ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ដឹកនាំប្រតិភូក្រសួងពាណិជ្ជកម្ម ចូលរួមគោរពវិញ្ញាណក្ខន្ធសព ឯកឧត្តម អ៊ឹង គៀត ឧត្តមប្រឹក្សាផ្ទាល់ព្រះមហាក្សត្រ

ថ្ងៃផ្សព្វផ្សាយ: ថ្ងៃទី១៩ ខែកក្កដា ឆ្នាំ២០២២ - ប្រភេទព័ត៌មាន: ព័ត៌មានទូទៅ

image

(ភ្នំពេញ)៖ នារសៀលថ្ងៃទី១៥ ខែកក្កដា ឆ្នាំ២០២២ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអញ្ជើញដឹកនាំប្រតិភូក្រសួងពាណិជ្ជកម្ម ចូលរួមគោរពវិញ្ញាណក្ខន្ធសព ឯកឧត្តម អ៊ឹង គៀត ឧត្តមប្រឹក្សាផ្ទាល់ព្រះមហាក្សត្រ ដែលបានទទួលមរណភាព កាលពីថ្ងៃពុធ ១៥កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែកក្កដា ឆ្នាំ២០២២ វេលាម៉ោង ១១:៥០នាទី ក្នុងជន្មាយុ ៩៨ឆ្នាំ ដោយជរាពាធ។

ក្នុងឱកាសប្រកបដោយសមានទុក្ខដ៏ក្រៀមក្រំនេះ ឯកឧត្តមរដ្ឋមន្រ្តី និងប្រតិភូក្រសួងពាណិជ្ជកម្ម សូមសម្តែងនូវការសោកស្តាយស្រណោះអាឡោះអាល័យ ជាមួយលោកជំទាវ និងក្រុមគ្រួសារនៃសព ចំពោះការបាត់បង់ស្វាមី ឪពុក ឪពុកក្មេក ជីតា និងជីតាទួត ជាទីគោរពស្រឡាញ់ប្រកបដោយព្រហ្មវិហារធម៌ និងសង្គហធម៌ ចំពោះភរិយា កូនៗ ចៅៗ ព្រមទាំងញាតិមិត្តជិតឆ្ងាយទាំងអស់។

មរណភាពរបស់ ឯកឧត្តម អ៊ឹង គៀត គឺជាការបាត់បង់នូវធនធានមនុស្សដ៏ឆ្នើមមួយរូប ពោរពេញដោយចំណេះដឹង វិជ្ជាជីវៈ និងជាឥស្សរជនមានស្នាដៃ គុណបំណាច់ដែលបានតស៊ូ លះបង់កម្លាំងកាយចិត្ត ធនធាន និងបញ្ញាស្មារតីបម្រើដល់ឧត្តមប្រយោជន៍ជាតិមាតុភូមិ។

ស្ថិតក្នុងបរិយាកាសដ៏សោកសង្រេង ប្រកបដោយសេចក្តីក្រៀមក្រំបំផុតនេះ គណៈប្រតិភូក្រសួងពាណិជ្ជកម្ម សូមចូលរួមរំលែកទុក្ខជាមួយក្រុមគ្រួសារ និងសូមសម្តែងនូវសមានទុក្ខប្រកបដោយអនិច្ចលក្ខណធម៌ដ៏មហាជ្រាលជ្រៅ ព្រមទាំងក្តីសង្វេគដ៏មហាធំធេង និងពោរពេញដោយក្តីសោកស្តាយ ស្រណោះអាឡោះអាល័យជាអនេកប្បការ ចំពោះការបាត់បង់ដ៏ធំធេងមួយនេះ និងសូមលំឱនកាយឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម អ៊ឹង គៀត សូមបានទៅសោយសុខក្នុងសុគតិភព កុំបីឃ្លៀងឃ្លាតឡើយ៕

https://s2.moc.gov.kh/mocspace/news/images/mocspace_1658200000401.jpg
https://s2.moc.gov.kh/mocspace/news/images/mocspace_1658200000352.jpg
https://s2.moc.gov.kh/mocspace/news/images/mocspace_1658200000635.jpg
https://s2.moc.gov.kh/mocspace/news/images/mocspace_1658200000422.jpg
https://s2.moc.gov.kh/mocspace/news/images/mocspace_1658200000601.jpg
https://s2.moc.gov.kh/mocspace/news/images/mocspace_1658200000482.jpg
https://s2.moc.gov.kh/mocspace/news/images/mocspace_1658200000519.jpg
https://s2.moc.gov.kh/mocspace/news/images/mocspace_1658200000463.jpg
https://s2.moc.gov.kh/mocspace/news/images/mocspace_1658200000491.jpg
https://s2.moc.gov.kh/mocspace/news/images/mocspace_1658200000549.jpg
https://s2.moc.gov.kh/mocspace/news/images/mocspace_1658200000651.jpg
https://s2.moc.gov.kh/mocspace/news/images/mocspace_1658200000679.jpg
https://s2.moc.gov.kh/mocspace/news/images/mocspace_1658200000712.jpg
https://s2.moc.gov.kh/mocspace/news/images/mocspace_1658200000655.jpg
https://s2.moc.gov.kh/mocspace/news/images/mocspace_1658200000697.jpg
https://s2.moc.gov.kh/mocspace/news/images/mocspace_1658200000580.jpg