ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ដឹកនាំប្រតិភូក្រសួងពាណិជ្ជកម្ម ចូលរួមគោរពវិញ្ញាណក្ខន្ធមហាវីរិយាភិរ័ក្ខសេរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ដែលបានទទួលមរណភាពដោយជរាពាធ

ថ្ងៃផ្សព្វផ្សាយ: ថ្ងៃទី២៥ ខែសីហា ឆ្នាំ២០២២ - ប្រភេទព័ត៌មាន: ព័ត៌មានទូទៅ

image

(ភ្នំពេញ)៖ នារសៀលថ្ងៃទី២៤ ខែសីហា ឆ្នាំ២០២២ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម និងជាតំណាងរបស់ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានអញ្ជើញដឹកនាំគណៈប្រតិភូក្រសួងពាណិជ្ជកម្ម ចូលរួមគោរពវិញ្ញាណក្ខន្ធ មហាវីរិយាភិរ័ក្ខសេរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ដែលបានទទួលមរណភាពនៅថ្ងៃអាទិត្យ ៩រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែសីហា ឆ្នាំ២០២២ វេលាម៉ោង ១៨:០០នាទី ក្នុងជន្មាយុ៩៦ឆ្នាំ ដោយជរាពាធ។

ក្នុងឱកាសប្រកបដោយក្តីខ្សឹកខ្សួលរំជួលចិត្ត ដ៏មហាក្រៀមក្រំនេះ ឯកឧត្តមរដ្ឋលេខាធិការប្រចាំការ និងទាំងថ្នាក់ដឹកនាំ ព្រមទាំងមន្រ្តីរាជការក្រសួងពាណិជ្ជកម្ម សូមសម្តែងនូវសមានទុក្ខប្រកបដោយអនិច្ចលក្ខណធម៌ ដ៏មហាជ្រាលជ្រៅ ប្រកបដោយក្តីសង្វេគដ៏មហាធំធេង និងពោរពេញដោយក្តី សោកស្តាយស្រណោះអាឡោះអាល័យជាអនេកប្បការចំពោះការបាត់បង់ មហាវីរិយាភិរ័ក្ខសេរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ដែលជាការបាត់បង់បិតាបង្កើត បិតាក្មេក ជីតា ជីតាទួត ជាទីគោរពស្រឡាញ់បំផុតប្រកបដោយព្រហ្មវិហារធម៌យ៉ាងជ្រាលជ្រៅ ចំពោះកូនៗ ចៅ ចៅទួតគ្រប់ៗរូប ដែលកន្លងមក មហាវីរិយាភិរ័ក្ខសេរី អគ្គមហា ឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង បានខិតខំបីបាច់ ថែរក្សា និងផ្តល់ដំបូន្មានដ៏មានគុណតម្លៃដល់បុត្រធីតា រហូតបានក្លាយបញ្ញាវ័ន្តប្រកបដោយសក្តានុពលមិនអាចខ្វះបានសម្រាប់ជាតិ និងប្រជាជនកម្ពុជា។

ឯកឧត្តមរដ្ឋលេខាធិការប្រចាំការ ព្រមទាំងថ្នាក់ដឹកនាំ និងមន្រ្តីរាជការនៃក្រសួងពាណិជ្ជកម្ម សូមលំឱនកាយឧទ្ទិសបួងសួងដល់ដួងវិញ្ញាណក្ខន្ធ មហាវីរិយាភិរ័ក្ខសេរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង បានទៅកាន់សុខគតិភព កុំបីឃ្លៀងឃ្លាតឡើយ៕

https://s2.moc.gov.kh/mocspace/news/images/mocspace_1661398880946.jpg
https://s2.moc.gov.kh/mocspace/news/images/mocspace_1661398881299.jpg
https://s2.moc.gov.kh/mocspace/news/images/mocspace_1661398881339.jpg
https://s2.moc.gov.kh/mocspace/news/images/mocspace_1661398881561.jpg
https://s2.moc.gov.kh/mocspace/news/images/mocspace_1661398881118.jpg
https://s2.moc.gov.kh/mocspace/news/images/mocspace_1661398881423.jpg
https://s2.moc.gov.kh/mocspace/news/images/mocspace_1661398881411.jpg
https://s2.moc.gov.kh/mocspace/news/images/mocspace_1661398881552.jpg
https://s2.moc.gov.kh/mocspace/news/images/mocspace_1661398881138.jpg
https://s2.moc.gov.kh/mocspace/news/images/mocspace_1661398881390.jpg
https://s2.moc.gov.kh/mocspace/news/images/mocspace_1661398881295.jpg
https://s2.moc.gov.kh/mocspace/news/images/mocspace_1661398881236.jpg
https://s2.moc.gov.kh/mocspace/news/images/mocspace_1661398881330.jpg
https://s2.moc.gov.kh/mocspace/news/images/mocspace_1661398881244.jpg
https://s2.moc.gov.kh/mocspace/news/images/mocspace_1661398881335.jpg