News(ទីក្រុងហ្សឺណែវ សហព័ន្ធស្វីស)៖ នារសៀលថ្ងៃចន្ទ ទី៦ ខែឧសភា ឆ្នាំ២០២៤ នៅទីស្នាក់ការអង្គការពាណិជ្ជកម្មពិភពលោក លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងគណៈប្រតិភូកម្ពុជាជួបពិភាក្សាការងារជាមួយលោកជំទាវ Angela ELLARD អគ្គនាយិការងអង្គការពាណិជ្ជកម្មពិភពលោក។
News(ទីក្រុងហ្សឺណែវ សហព័ន្ធស្វីស)៖ នារសៀលថ្ងៃចន្ទ ទី៦ ខែឧសភា ឆ្នាំ២០២៤ នៅទីស្នាក់ការមជ្ឈមណ្ឌលពាណិជ្ជកម្មអន្តរជាតិ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងគណៈប្រតិភូកម្ពុជាបានជួបពិភាក្សាការងារជាមួយលោកជំទាវ Dorothy Tembo នាយិការងប្រតិបត្តិនៃមជ្ឈមណ្ឌលពាណិជ្ជកម្មអន្តរជាតិ។
News(ទីក្រុងហ្សឺណែវ សហព័ន្ធស្វីស)៖ នារសៀលថ្ងៃចន្ទ ទី៦ ខែឧសភា ឆ្នាំ២០២៤ នៅទីស្នាក់ការអង្គការសហប្រជាជាតិប្រចាំទីក្រុងហ្សឺណែវ សហព័ន្ធស្វីស អំឡុងពេលនៃកិច្ចប្រជុំលើកទី៧ ស្តីពី “UNCTAD Intergovernmental Group of Experts (IGE) on E-Commerce and the Digital Economy” លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានជួបសំណេះសំណាលជាមួយ លោកស្រី Cécile BARAYRE ប្រធានផ្នែកកសាងសមត្ថភាពសេដ្ឋកិច្ចឌីជីថលនៃសាខាពាណិជ្ជកម្មតាមប្រព័ន្ធអេឡិចត្រូនិក និងសេដ្ឋកិច្ចឌីជីថល នៃនាយកដ្ឋានផ្នែកបច្ចេកវិទ្យា និងភស្តុភារ នៃសន្និសីទអង្គការសហប្រជាជាតិ ស្ដីពីពាណិជ្ជកម្ម និងការអភិវឌ្ឍន៍ (UNCTAD)។ លោកស្រីបានថ្លែងអំណរគុណដ៏ជ្រាលជ្រៅចំពោះការអញ្ជើញចូលរួមចែករំលែកពីបទពិសោធន៍ល្អៗ ដែលកម្ពុជាបានអនុវត្តឆ្លើយតបទៅនឹងការផ្តល់អនុសាសន៍របស់អង្គការ UNCTAD ក្នុងការអនុវត្ត eTrade Readiness Assessment ដោយសម្រេចបាននូវអត្រាអនុវត្តខ្ពស់គួរឱ្យកត់សម្គាល់ប្រមាណ ៩២% និងវឌ្ឍនភាពថ្មីៗបន្ថែមទៀត ។
News(ទីក្រុងហ្សឺណែវ សហព័ន្ធស្វីស)៖ នារសៀលថ្ងៃចន្ទ ទី៦ ខែឧសភា ឆ្នាំ២០២៤ នៅទីស្នាក់ការអង្គការសហប្រជាជាតិប្រចាំទីក្រុងហ្សឺណែវ សហព័ន្ធស្វីស នៅអំឡុងពេលនៃកិច្ចប្រជុំលើកទី៧ ស្តីពី “UNCTAD Intergovernmental Group of Experts (IGE) on E-Commerce and the Digital Economy” លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានជួបសំណេះសំណាលជាមួយ ឯកឧត្តម Suresh Yadav នាយកជាន់ខ្ពស់ នៃនាយកដ្ឋានពាណិជ្ជកម្ម សមុទ្រ និងធនធានធម្មជាតិ នៃលេខាធិការដ្ឋានអង្គការ The Commonwealth នៃចក្រភពអង់គ្លេស នៅសន្និសីទអង្គការសហប្រជាជាតិ ស្ដីពីពាណិជ្ជកម្ម និងការអភិវឌ្ឍន៍ (UNCTAD)។ ឯកឧត្តមបានថ្លែងអំណរគុណដល់លោកជំទាវរដ្ឋមន្ត្រីសម្រាប់ការចែករំលែកបទពិសោធន៍នៃការងារអនុវត្តគោលនយោបាយពាណិជ្ជកម្មតាមប្រព័ន្ធអេឡិចត្រូនិកនិងសេដ្ឋកិច្ចឌីជីថល និងក្នុងនាមកម្ពុជាជាប្រធានក្រុមប្រទេស G77 និងចិន។
News(ទីក្រុងហ្សឺណែវ សហព័ន្ធស្វីស)៖ នារសៀលថ្ងៃចន្ទ ទី៦ ខែឧសភា ឆ្នាំ២០២៤ នៅទីស្នាក់ការអង្គការសហប្រជាជាតិប្រចាំទីក្រុងហ្សឺណែវ សហព័ន្ធស្វីស នៅអំឡុងពេលនៃកិច្ចប្រជុំលើកទី៧ ស្តីពី “UNCTAD Intergovernmental Group of Experts (IGE) on E-Commerce and the Digital Economy” លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានជួបសំណេះសំណាលជាមួយ ឯកឧត្តម Luke DAUNIVALU អគ្គរដ្ឋទូត និងជាតំណាងអចិន្ត្រៃយ៍នៃសាធារណរដ្ឋហ្វីជីប្រចាំអង្គការសហប្រជាជាតិ និងអង្គការអន្តរជាតិ នៅសហព័ន្ធស្វីស និងជាប្រធាននៃកិច្ចប្រជុំ។ ឯកឧត្តមអគ្គរដ្ឋទូត បានអរគុណកម្ពុជាសម្រាប់ការចូលរួមកិច្ចប្រជុំដ៏មានសារៈសំខាន់នេះ និងចែករំលែកបទពិសោធន៍ល្អៗ ក្នុងនាមជាប្រធានក្រុមប្រទេស G77 និងចិន ដែលមានសមាជិកចំនួន១៣៥។