Newsលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ផ្ញើសារលិខិតចូលរួមរំលែកមរណទុក្ខចំពោះមរណភាពរបស់ ឯកឧត្តមបណ្ឌិត ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងជាតំណាងរាស្រ្តមណ្ឌលខេត្តកំពង់ធំ
News(ភ្នំពេញ)៖ នាព្រឹកថ្ងៃព្រហស្បតិ៍ ទី២៤ ខែតុលា ឆ្នាំ២០២៤ នៅទីស្ដីការក្រសួងពាណិជ្ជកម្ម ឯកឧត្តម ឈរ ស៊ុនហុង អនុរដ្ឋលេខាធិការ បានទទួលជួបសម្ដែងការគួរសម និងពិភាក្សាការងារជាមួយ ក្រុមហ៊ុន Harvey Law Group ដែលជាក្រុមហ៊ុនផ្តល់សេវាប្រឹក្សាផ្នែកច្បាប់ដល់អតិថិជនចម្រុះជាតិសាសន៍ដើម្បីជួយឱ្យពួកគេទទួលបានសញ្ជាតិនៅក្នុងប្រទេសដែលពួកគេចង់រស់នៅ។ ក្រុមហ៊ុននេះមានការិយាល័យបណ្ដាប្រទេសនៅអាស៊ី អាមេរិកខាងត្បូង និងមជ្ឈិមបូព៌ា។
News(ភ្នំពេញ)៖ នាថ្ងៃព្រហស្បតិ៍ ទី២៤ ខែតុលា ឆ្នាំ២០២៤ មន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) រាជធានីភ្នំពេញ បានបន្តចុះត្រួតពិនិត្យផលិតផលទំនិញ ចំនួន ០៣ទីតាំង បន្ថែមទៀត ដែលស្ថិតនៅក្នុងមូលដ្ឋានខណ្ឌចំការមន និង ខណ្ឌមានជ័យ។ ជាលទ្ធផលមន្រ្តីជំនាញបានរកឃើញផលិតផលមិនអនុលោមភាព គុណភាព និងហួសកាលបរិច្ឆេទប្រើប្រាស់ ទៅលើផលិតផលដូចជា សណ្តែកដី ០៥កញ្ចប់ នំចាហ៊ួយចំរុះ ១៣កញ្ចប់ ទឹកជ្រលក់ ម្រេច ០៩កំប៉ុង និងសាច់កញ្ចប់ ០៣កញ្ចប់ សរុបមានចំនួន ១២គីឡូក្រាម ដោយបានដកហូតដើម្បីបន្តនីតិវិធី ព្រមទាំងណែនាំអប់ដល់អាជីវករបន្ថែមនូវបទប្បញ្ញត្តិ ព្រមទាំងនីតិវិធីនៃការថែរក្សាផលិតផលល្អលក់ជូនអ្នកប្រើប្រាស់។
News(ភ្នំពេញ)៖ នាល្ងាចថ្ងៃព្រហស្បតិ៍ ទី២៤ ខែតុលា ឆ្នាំ២០២៤ នៅសណ្ឋាគារហៃយ៉ាត់ រីជិនស៊ី ភ្នំពេញ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាតំណាងរាជរដ្ឋាភិបាល បានអញ្ជើញចូលរួមជាអធិបតីថ្លែងសុន្ទរកថាអបអរសាទរ និងសំណេះសំណាលក្នុងឱកាសពិធីអបអរសាទរទិវាបុណ្យជាតិហុងគ្រី។
News(ភ្នំពេញ)៖ នារសៀលថ្ងៃពុធ ទី២៣ ខែតុលា ឆ្នាំ២០២៤ នៅទីស្តីការក្រសួងពាណិជ្ជកម្ម ឯកឧត្តម ឃឹម សិរីវង្ស រដ្ឋលេខាធិការក្រសួងពាណិជ្ជកម្ម និងជាប្រធានលេខាធិការដ្ឋានកំណែទម្រង់វិមជ្ឈការ និងវិសហមជ្ឈការ ក្រសួងពាណិជ្ជកម្ម បានដឹកនាំកិច្ចប្រជុំអំពីវឌ្ឍនភាពការងារកំណែទម្រង់វិមជ្ឈការ និងវិសហមជ្ឈការ ដែលបានអនុវត្តក្នុងរយៈពេលកន្លងមក និងបានពិភាក្សាអំពីសកម្មភាព និងទិសដៅការងារបន្ត ដោយមានការអញ្ជើញចូលរួមពីសមាជិក សមាជិការ នៃក្រុមការងារកំណែទម្រង់វិមជ្ឈការ និងវិសហមជ្ឈការ របស់ក្រសួងពាណិជ្ជកម្ម។