(ភ្នំពេញ)៖ នារសៀលថ្ងៃពុធ ទី២០ ខែមីនា ឆ្នាំ២០២៤ នៅទីស្តីការក្រសួងពាណិជ្ជកម្ម ឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអញ្ជើញដឹកនាំកិច្ចប្រជុំក្រុមការងារចំពោះកិច្ចរបស់ក្រសួងពាណិជ្ជកម្ម ដើម្បីជួយសម្របសម្រួលដល់ក្រុមការងារចម្រុះសម្របសម្រួលខ្សែច្រវាក់តម្លៃផលិតផលកសិកម្ម ដើម្បីអានសេចក្តីសម្រេច និងប្រកាសពីតួនាទី និងភារកិច្ចរបស់ក្រុមការងារ។

  ក្នុងឱកាសនោះ ឯកឧត្តមរដ្ឋលេខាធិការ ក៏បានលើកឡើងអំពីភារកិច្ចចំពោះមុខ ដែលក្រុមការងារចំពោះកិច្ចនេះត្រូវធ្វើគឺត្រូវតាមដានខ្សែច្រវាក់តម្លៃកសិផលដែលអាចប្រឈមនឹងបញ្ហាបម្រែបម្រួលថ្លៃ ព្រមទាំងវិភាគពីផលវិបាកនៃការប្រែប្រួលថ្លៃចំពោះអ្នកផលិត និងអ្នកប្រើប្រាស់ក្នុងប្រទេស។