News(ភ្នំពេញ)៖ នាព្រឹកថ្ងៃអង្គារ ទី២២ ខែកញ្ញា ឆ្នាំ២០២៤ នៅទីស្តីការក្រសួងពាណិជ្ជកម្ម លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានដឹកនាំកិច្ចប្រជុំពិភាក្សាអន្តរក្រសួង-ស្ថាប័ន ក្នុងគោលបំណងប្រមូលយោបល់ និងធាតុចូល ដើម្បីអភិវឌ្ឍន៍សសរស្តម្ភទី៤ ស្តីពីការជំរុញ និងការអភិវឌ្ឍពាណិជ្ជកម្មឌីជីថល នៃក្របខណ្ឌគោលនយោបាយពាណិជ្ជកម្មកម្ពុជាឆ្ពោះទៅឆ្នាំ២០៣០ ដោយមានការចូលរួមពីតំណាងអន្តរក្រសួង-ស្ថាប័នពាក់ព័ន្ធ។
News(ភ្នំពេញ)៖ នាថ្ងៃចន្ទ ទី២១ ខែតុលា ឆ្នាំ២០២៤ មន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) រាជធានីភ្នំពេញ បានចុះត្រួតពិនិត្យផលិតផលទំនិញចំនួន ០៣ទីតាំង ក្នុងមូលដ្ឋានខណ្ឌសែនសុខ ដែលជាលទ្ធផលបានរកឃើញ ផលិតផលមិនអនុលោមភាព ខូចគុណភាព និងហួសកាលបរិច្ឆេទប្រើប្រាស់ រួមមាន៖ នំសារាយចំនួន ៧កញ្ចប់ បង់បិតដំបៅចំនួន ៤ប្រអប់ និងសាប៊ូដុំដុសខ្លួនចំនួន ១០ដុំ មានទម្ងន់ សរុបចំនួន ៣គីឡូក្រាម។ ក្នុងឱកាសនោះ មន្ត្រីជំនាញក៏បានណែនាំដល់អាជីវករ ក្នុងករណីឃើញមានផលិតផលដែលអាចប៉ះពាល់ដល់សុខភាព អ្នកប្រើប្រាស់ សូមសហការផ្តល់ព័ត៌មានឬដាក់ពាក្យបណ្តឹងមកអគ្គនាយកដ្ឋាន ក.ប.ប. នៃក្រសួងពាណិជ្ជកម្ម តាមប្រព័ន្ធទូរសព្ទសាធារណៈ (Call Center) លេខ ១២៦៦ របស់ក្រសួងពាណិជ្ជកម្ម (ឥតគិតថ្លៃ) ឬតាមរយៈ CCF Complain App ឬមកកាន់អគ្គនាយកដ្ឋាន ក.ប.ប.នៃក្រសួងពាណិជ្ជកម្មដោយផ្ទាល់៕
News(កែប, កោះកុង)៖ នាថ្ងៃចន្ទ ទី២១ ខែតុលា ឆ្នាំ២០២៤ មន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ខេត្តកែប និងខេត្តកោះកុង បានដឹកនាំកម្លាំងមន្ត្រីជំនាញចុះត្រួតពិនិត្យ គុណភាពសុវត្ថិភាពទំនិញហូបចុកចម្រុះគ្រប់ប្រភេទ តាមផ្ទះលក់ដូរ ផ្សារ និងដេប៉ូចែកចាយទំនិញ ក្នុងភូមិសាស្ត្ររបស់ខ្លួន ដែលជាលទ្ធផលប្រសើរ មន្ត្រីជំនាញរបស់យើងពុំបានរកឃើញ ទំនិញខូចគុណភាព មិនមានភាពអនុលោម ឬ ខុសនឹងបទដ្ឋានពត៌មាន និងហួសកាលបរិច្ឆេទប្រើប្រាស់ ដាក់លក់សម្រាប់អ្នកប្រើប្រាស់ឡើយ។ ឆ្លៀតក្នុងឱកាសនៃការចុះត្រួតពិនិត្យនេះ មន្ត្រីជំនាញក៏បន្តអប់រំផ្សព្វផ្សាយអំពីច្បាប់និងបទប្បញ្ញត្តិពាក់ព័ន្ធនឹងកិច្ចការពារអ្នកប្រើប្រាស់ និងសុវត្ថិភាពម្ហូបអាហារ ដល់អាជីវករ ធ្វើយ៉ាងណាចូលរួមអនុវត្តច្បាប់ឱ្យបានខ្ជាប់ខ្ជួន៕
News(ភ្នំពេញ)៖ នាព្រឹកថ្ងៃអង្គារ ទី២២ ខែតុលា ឆ្នាំ២០២៤ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអនុញ្ញាតជូន លោកបណ្ឌិត អុិន ចាន់នី ប្រធាននាយកប្រតិបត្តិធនាគារអេស៊ីលីដា និងសហការី ចូលជួបសម្តែងការគួរសម និងពិភាក្សាការងារ ដើម្បីរាយការណ៍ពីវឌ្ឍនភាពការងារនៃការចុះអនុស្សរណៈនៃការយោគយល់គ្នាកន្លងមក ព្រមទាំងត្រៀមរៀបចំការចុះអនុស្សរណៈយោគយល់គ្នាបន្តទៀតទាក់ទងនឹងការបង់ប្រាក់នៅក្នុងផ្សារខេមបូឌាត្រេដ។ - - - (Phnom Penh): On the morning of Tuesday, 22 October 2024, at the Ministry of Commerce, Her Excellency CHAM Nimul, Minister of Commerce, received a courtesy call from Dr. In Chaney, President and Group Managing Director of ACLEDA Bank Plc. and colleagues to discuss the progress of MoU that have been signed and be ready for the other MoU for the payment in CambodiaTrade.
News(ភ្នំពេញ)៖ នាព្រឹកថ្ងៃអង្គារ ទី២២ ខែតុលា ឆ្នាំ២០២៤ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូន លោក ងន សាំង អគ្គអគ្គនាយកក្រុមហ៊ុន អ អិម អេ (ខេមបូឌា) ម.ក និងសហការី ចូលជួបសម្តែងការគួរសម និងពិភាក្សាការងារ។