ស្វែងរកព័ត៌មាន និងឯកសារផ្លូវការ
លទ្ធផលស្វែងរកព័ត៌មានសរុបទាំង៖ 3775
Newsឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម និងជាអនុប្រធានអចិន្រ្តៃយ៍គណៈកម្មាធិការជាតិគ្រប់គ្រងកម្មសិទ្ធិបញ្ញា “គ.ក.ប.” ជួបពិភាក្សាការងារជាមួយ លោកជំទាវ Chansouk SENGPHACHAN អនុរដ្ឋមន្ត្រីនៃក្រសួងឧស្សាហកម្ម និងពាណិជ្ជកម្ម នៃសាធារណរដ្ឋប្រជាធិតេយ្យប្រជាមានិតឡាវ
(សៀមរាប)៖ នារសៀលថ្ងៃព្រហស្បតិ៍ ទី៨ ខែឧសភា ឆ្នាំ២០២៥ ឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម ក្នុងនាមអនុប្រធានអចិន្រ្តៃយ៍គណៈកម្មាធិការជាតិគ្រប់គ្រងកម្មសិទ្ធិបញ្ញា បានដឹកនាំគណៈប្រតិភូកម្មសិទ្ធិបញ្ញាកម្ពុជាជួបពិភាក្សាការងារជាមួយលោកជំទាវ Chansouk SENGPHACHAN ដើម្បីពិភាក្សាការងារស្តីពីកិច្ចសហប្រតិបត្តិការកម្មសិទ្ធិបញ្ញា និងចែករំលែកបទពិសោធន៍របស់កម្ពុជាអំពីដំណើរការនិងនីតិវិធីនៃការទទួលស្គាល់សុពលភាពនៃប្រកាសនីយបត្រតក្កកម្មអឺរ៉ុបនៅកម្ពុជា។
Newsលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាអនុប្រធានក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគី កម្ពុជា-សហរដ្ឋអាម៉េរិក បានអញ្ជើញដឹកនាំគណៈប្រតិភូក្រសួងពាណិជ្ជកម្ម ចូលរួមជាមួយឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិក ទៅសហរដ្ឋអាម៉េរិក ដើម្បីចរចាលើកិច្ចព្រមព្រៀងពាណិជ្ជកម្មបដិការរវាងកម្ពុជា និងសហរដ្ឋអាម៉េរិក ដែលនឹងប្រព្រឹត្តទៅនាថ្ងៃទី១៣-១៥ ខែឧសភា ឆ្នាំ២០២៥ ខាងមុខនេះ នៅរដ្ឋធានីវ៉ាស៊ីនតោន
(ភ្នំពេញ)៖ នាព្រឹកថ្ងៃសៅរ៍ ទី១០ ខែឧសភា ឆ្នាំ២០២៥ នៅអាកាសយាន្តដ្ឋានអន្តរជាតិភ្នំពេញ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាអនុប្រធានក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគី កម្ពុជា-សហរដ្ឋអាម៉េរិក បានអញ្ជើញដឹកនាំគណៈប្រតិភូក្រសួងពាណិជ្ជកម្ម ចូលរួមជាមួយឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិក ទៅសហរដ្ឋអាម៉េរិក ដើម្បីចរចាលើកិច្ចព្រមព្រៀងពាណិជ្ជកម្មបដិការរវាងកម្ពុជា និងសហរដ្ឋអាម៉េរិក ដែលនឹងប្រព្រឹត្តទៅនាថ្ងៃទី១៣-១៥ ខែឧសភា ឆ្នាំ២០២៥ ខាងមុខនេះ នៅរដ្ឋធានីវ៉ាស៊ីនតោន។
Newsលោក កែវ ប៊ុនថេង អនុព័ន្ធពាណិជ្ជកម្មអមស្ថានឯកអគ្គរាជទូតកម្ពុជាប្រចាំសាធារណរដ្ឋតួកគីយ៉េ បានចូលរួមអម ឯកឧត្តម សុក ជា ឯកអគ្គរាជទូត និងរៀបចំស្តង់តាំងបង្ហាញផលិតផលខ្មែរ និងវប្បធម៌ជាតិ ក្នុងទិវាវប្បធម៌អន្តរជាតិលើកទី៦ ដែលប្រារព្ធធ្វើឡើងនៅសាកលវិទ្យាល័យបច្ចេកវិទ្យា OSTIM នាទីក្រុងអង់ការ៉ា សាធារណរដ្ឋតួកគីយ៉េ
(អង់ការ៉ា, តួកគីយ៉េ)៖ នាថ្ងៃពុធ ទី៧ ខែឧសភា ឆ្នាំ២០២៥ លោក កែវ ប៊ុនថេង អនុព័ន្ធពាណិជ្ជកម្មអមស្ថានឯកអគ្គរាជទូតកម្ពុជាប្រចាំសាធារណរដ្ឋតួកគីយ៉េ បានចូលរួមអម ឯកឧត្តម សុក ជា ឯកអគ្គរាជទូត និងរៀបចំស្តង់តាំងបង្ហាញផលិតផលខ្មែរ និងវប្បធម៌ជាតិ ក្នុងទិវាវប្បធម៌អន្តរជាតិលើកទី៦ ដែលប្រារព្ធធ្វើឡើងនៅសាកលវិទ្យាល័យបច្ចេកវិទ្យា OSTIM នាទីក្រុងអង់ការ៉ា សាធារណរដ្ឋតួកគីយ៉េ។
Newsលោកស្រី អេង សុវណ្ណជីតា អនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជាប្រចាំសាធារណរដ្ឋហ្វីលីពីន បានចូលរួមពិព័រណ៍ The 3rd Philippine Subcon and Manufacturers Exhibition 2025: Make it in the Philippines ដែលរៀបចំឡើងដោយសមាគមឧស្សាហកម្មអវកាសហ្វីលីពីន សហការជាមួយក្រុមហ៊ុនរៀបចំព្រឹត្តិការណ៍ហ្វីលីពីន នៅមជ្ឍមណ្ឌលពាណិជ្ជកម្មពិភពលោក ប្រទេសហ្វីលីពីន
(ម៉ានីល, ហ្វីលីពីន) ៖ នាថ្ងៃព្រហស្បតិ៍ ទី៨ ខែឧសភា ឆ្នាំ២០២៥ លោកស្រី អេង សុវណ្ណជីតា អនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជាប្រចាំសាធារណរដ្ឋហ្វីលីពីន បានចូលរួមពិព័រណ៍ The 3rd Philippine Subcon and Manufacturers Exhibition 2025: Make it in the Philippines ដែលរៀបចំឡើងដោយសមាគមឧស្សាហកម្មអវកាសហ្វីលីពីន សហការជាមួយក្រុមហ៊ុនរៀបចំព្រឹត្តិការណ៍ហ្វីលីពីន នៅមជ្ឍមណ្ឌលពាណិជ្ជកម្មពិភពលោក ប្រទេសហ្វីលីពីន។ កម្មវិធីនេះ ជាវេទិកាសំខាន់មួយសម្រាប់ភ្ជាប់ទំនាក់ទំនងរវាងអ្នកផ្គត់ផ្គង់ អ្នកចែកចាយ និងអ្នកប្រើប្រាស់ជាតិ និងអន្តរជាតិ ដោយបានដាក់តាំងបង្ហាញផលិតផល និងសេវាកម្មឧស្សាហកម្មចម្បងៗរបស់ហ្វីលីពីនទៅកាន់អ្នកចូលរួមជាតិ និងអន្តរជាតិ ដូចជាឧស្សាហកម្មអាកាសចរណ៍ យានយន្ត អេឡិចត្រូនិក ម៉ូតូ ទូក និងនាវា ជាដើម៕
Newsលោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម បានដឹកនាំក្រុមការងារនៃក្រសួងពាណិជ្ជកម្ម ចុះពិនិត្យលើការនាំចេញស្វាយចន្ទី និងស្វាយកែវរមៀតសម្ងួត ចេញទៅកាន់ប្រទេសម៉ាឡេស៊ី
(ភ្នំពេញ)៖ នារសៀល ថ្ងៃព្រហស្បតិ៍ ទី៨ ខែឧសភា ឆ្នាំ ២០២៥ នៅផែរស្ងួត អូលែរ វើលវ៉ាយដ៏ ឡូជីស្ទិក លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម បានដឹកនាំក្រុមការងារនៃក្រសួងពាណិជ្ជកម្ម ចុះពិនិត្យលើការនាំចេញស្វាយចន្ទី និងស្វាយកែវរមៀតសម្ងួត ចេញទៅកាន់ប្រទេសម៉ាឡេស៊ី។