ស្វែងរកព័ត៌មាន និងឯកសារផ្លូវការ
លទ្ធផលស្វែងរកព័ត៌មានសរុបទាំង៖ 3769
Newsឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម បានចូលរួមពិធី បើកសម្ពោធពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ លើកទី៩ (CIMIF) និងពិព័ណ៍ឧស្សាហកម្មសម្លៀកបំពាក់ និងឧស្សាហកម្មវាយនភណ្ឌកម្ពុជាអន្តរជាតិ លើកទី៩ (CTG) នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ក្រោមអធិបតីភាព ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងមានការចូលរួមពី ឯកឧត្តម ឧកញ៉ា តំណាងក្រសួង ស្ថាប័ន សភាពាណិជ្ជកម្មកម្ពុជា តំណាងក្រុមហ៊ុន ភ្ញៀវជាតិ និងអន្តរជាតិជាច្រើនរូប
(ភ្នំពេញ)៖ នាព្រឹកថ្ងៃអង្គារ ទី៦ ខែសីហា ឆ្នាំ២០២៥ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម បានចូលរួមពិធី បើកសម្ពោធពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ លើកទី៩ (CIMIF) និងពិព័ណ៍ឧស្សាហកម្មសម្លៀកបំពាក់ និងឧស្សាហកម្មវាយនភណ្ឌកម្ពុជាអន្តរជាតិ លើកទី៩ (CTG) នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ក្រោមអធិបតីភាព ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងមានការចូលរួមពី ឯកឧត្តម ឧកញ៉ា តំណាងក្រសួង ស្ថាប័ន សភាពាណិជ្ជកម្មកម្ពុជា តំណាងក្រុមហ៊ុន ភ្ញៀវជាតិ និងអន្តរជាតិជាច្រើនរូប។ ព្រឹត្តិការណ៍ពិព័រណ៍ខាងលើ ប្រព្រឹត្តទៅចាប់ពីថ្ងៃទី៦ ដល់ថ្ងៃទី៩ ខែសីហា ឆ្នាំ២០២៥ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ដោយបានដាក់តាំងបង្ហាញគ្រឿងម៉ាស៊ីនវាយនភណ្ឌ ម៉ាស៊ីនកាត់ដេរសម្លៀកបំពាក់ ម៉ាស៊ីនវេចខ្ចប់ ម៉ាស៊ីនបោះពុម្ព គ្រឿងបន្លាស់រថយន្ត និងឧបករណ៍កសិកម្មជាច្រើនប្រភេទ។ ពិព័រណ៍នេះរៀបចំឡើង ក្នុងគោលបំណងបង្កើតជាវេទិកាដ៏សំខាន់សម្រាប់អ្នកជំនាញ សហគ្រិនមកពីវិស័យវាយនភណ្ឌ និងអ្នកវិនិយោគ ដើម្បីផ្លាស់ប្តូរបទពិសោធន៍ និងស្វែងយល់ពីស្ថានភាពផលិតកម្មដែលកំពុងរីកចម្រើនយ៉ាងឆាប់រហ័សរបស់កម្ពុជា និងចាប់យល់ឱកាសវិនិយោគនៅកម្ពុជា។ យោងតាមរបាយការណ៍របស់ក្រុមហ៊ុនរៀបចំពិព័រណ៍ ការតាំងពិព័រណ៍ឆ្នាំនេះមានស្តង់ពិព័រណ៍ប្រមាណ២០០ស្តង់ ដែលក្រុមហ៊ុនតាំងពិព័រណ៍មកពី១៣ប្រទេស និងតំបន់ វិស័យផលិតកម្ម៕ --- (Phnom Penh): On Tuesday, 6 August 2025, at the Koh Pich Convention and Exhibition Center, Phnom Penh, His Excellency SAMHENG Bora, Secretary of State of the Ministry of Commerce, attended the opening ceremony of “The 9th Cambodia International Machinery Industry Fair (CIMIF) & The 9th Cambodia International Textile & Garment Industry Exhibition (CTG)”, presided over of His Excellency HEM Vanndy, Minister of Industry, Science, Technology & Innovation (MISTI), and attended by His Excellency, Oknha, representatives of ministries, institutions, Cambodia Chamber of Commerce, company representatives, and numerous national and international guests. The above exhibition will take place from August 6 to 9, 2025, at the Diamond Island Exhibition & Convention Center in Phnom Penh, showcasing various types of textile machinery, garment cutting machines, packaging machines, printing machines, automotive parts, and agricultural equipment. This exhibition aims to be a platform for experts, entrepreneurs from the textile sector and investors to exchange experiences and learn about Cambodia’s rapidly developing manufacturing situation and grasp investment opportunities in Cambodia. According to the exhibition organizer, this year’s exhibition will feature approximately 200 booths, with exhibiting companies from 13 countries and regions in the manufacturing sector.
Newsឯកឧត្តម វ៉ា រុតសាន រដ្ឋលេខាធិការ នៃក្រសួងពាណិជ្ជកម្ម និងជាប្រធានគណៈកម្មការចំពោះកិច្ច ដើម្បីសិក្សា និងរៀបចំបង្កើតសហព័ន្ធស្វាយកម្ពុជា បានអញ្ជើញជាអធិបតីភាពក្នុងកិច្ចប្រជុំគណៈកម្មការលើកទី១ ដើម្បីពិភាក្សា និងរៀបចំផែនការសកម្មភាពសម្រាប់បង្កើតសហព័ន្ធស្វាយកម្ពុជា ដោយមានការអញ្ជើញចូលរួមពីឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ ដែលជាអនុប្រធានគណៈកម្មការតំណាងមកពីក្រសួងសេដ្ឋកិច្ច និងហរិញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ថ្នាក់ដឹកនាំ និងមន្រ្តីជំនាញរបស់ក្រសួងពាណិជ្ជកម្ម និងអង្គការ CIRD, HEKS, GIZ, CAPRED ព្រមទាំងតំណាងតួអង្គខ្សែច្រវាក់តម្លៃក្នុងវិស័យស្វាយជាច្រើនរូប
(ភ្នំពេញ)៖ នាព្រឹកថ្ងៃអង្គារ ទី៥ ខែសីហា ឆ្នាំ២០២៥ នៅទីស្តីការក្រសួងពាណិជ្ជកម្ម ឯកឧត្តម វ៉ា រុតសាន រដ្ឋលេខាធិការ នៃក្រសួងពាណិជ្ជកម្ម និងជាប្រធានគណៈកម្មការចំពោះកិច្ច ដើម្បីសិក្សា និងរៀបចំបង្កើតសហព័ន្ធស្វាយកម្ពុជា បានអញ្ជើញជាអធិបតីភាពក្នុងកិច្ចប្រជុំគណៈកម្មការលើកទី១ ដើម្បីពិភាក្សា និងរៀបចំផែនការសកម្មភាពសម្រាប់បង្កើតសហព័ន្ធស្វាយកម្ពុជា ដោយមានការអញ្ជើញចូលរួមពីឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ ដែលជាអនុប្រធានគណៈកម្មការតំណាងមកពីក្រសួងសេដ្ឋកិច្ច និងហរិញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ថ្នាក់ដឹកនាំ និងមន្រ្តីជំនាញរបស់ក្រសួងពាណិជ្ជកម្ម និងអង្គការ CIRD, HEKS, GIZ, CAPRED ព្រមទាំងតំណាងតួអង្គខ្សែច្រវាក់តម្លៃក្នុងវិស័យស្វាយជាច្រើនរូប។ កិច្ចប្រជុំរៀបចំឡើងក្នុងគោលបំណង ១.ប្រកាសសមាសភាពគណៈកម្មការចំពោះកិច្ច ដើម្បីសិក្សា និងរៀបចំផែនការសកម្មភាពសម្រាប់បង្កើតសហព័ន្ធស្វាយកម្ពុជា ២.ពិភាក្សាអំពីនីតិវិធី និងដំណើរការនៃការរៀបចំបង្កើតសហព័ន្ធស្វាយកម្ពុជា។
Newsលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបើកសិក្ខាសាលាពិនិត្យលើការសិក្សាស្រាវជ្រាវរបស់ធនាគារអភិវឌ្ឍន៍អាស៊ី (ADB) និងអង្គការ UNCTAD ស្តីពី “ការត្រៀមខ្លួនចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួចរបស់កម្ពុជាក្រោមចំណងជើងថា ”ការរៀបចំគោលនយោបាយពាណិជ្ជកម្មថ្មីសម្រាប់កម្ពុជាក្នុងអំឡុងពេល និងក្រោយការចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួច៖ បញ្ហាប្រឈម និងកាលានុវត្តភាព”
(ភ្នំពេញ)៖ នាព្រឹកថ្ងៃអង្គារ ទី៥ ខែសីហា ឆ្នាំ២០២៥ នៅសណ្ឋាគារ រ៉ាហ្វិល ឡឺ រ៉ូយ៉ាល់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបើកសិក្ខាសាលាពិនិត្យលើការសិក្សាស្រាវជ្រាវរបស់ធនាគារអភិវឌ្ឍន៍អាស៊ី (ADB) និងអង្គការ UNCTAD ស្តីពី “ការត្រៀមខ្លួនចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួចរបស់កម្ពុជាក្រោមចំណងជើងថា ”ការរៀបចំគោលនយោបាយពាណិជ្ជកម្មថ្មីសម្រាប់កម្ពុជាក្នុងអំឡុងពេល និងក្រោយការចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួច៖ បញ្ហាប្រឈម និងកាលានុវត្តភាព” សហការរៀបចំឡើងដោយ ក្រសួងពាណិជ្ជកម្ម និងធនាគារអភិវឌ្ឍន៍អាស៊ី និងមានវត្តមានចូលរួមដោយលោក Milan Thomas សេដ្ឋវិទូជាន់ខ្ពស់ប្រចាំកម្ពុជារបស់ ADB និងលោក Paul Akiwumi នាយកផ្នែកកិច្ចការអាហ្រ្វិក និងកិច្ចការប្រទេសអភិវឌ្ឍន៍តិចតួច នៃអង្គការ UNCTAD ព្រមទាំង ឯកឧត្តម លោកជំទាវ តំណាងក្រសួង-ស្ថាប័ន និងតំណាងដៃគូអភិវឌ្ឍន៍ និងវិស័យឯកជនជាច្រើនរូបផងដែរ។ លោកជំទាវរដ្ឋមន្រ្តី បានថ្លែងថា ការសិក្សាស្រាវជ្រាវនេះ នឹងរួមចំណែកផ្តល់ជាធាតុចូលក្នុងការរៀបចំក្របខណ្ឌគោលនយោបាយពាណិជ្ជកម្មកម្ពុជាឆ្ពោះទៅឆ្នាំ២០៣០ និងជួយដល់ការរៀបចំរបៀបវារៈអភិវឌ្ឍន៍ពាណិជ្ជកម្មរបស់កម្ពុជាដើម្បីចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួចដោយរលូន។ ក្នុងបរិបបទនេះ លោកជំទាវរដ្ឋមន្រ្តី បានបញ្ជាក់ថា ក្រសួងពាណិជ្ជកម្ម បាននិងកំពុងរៀបចំគោលនយោបាយពាណិជ្ជកម្មឆ្លើយតបទៅនឹងបញ្ហាប្រឈមនៃការបាត់បង់បណ្តើរៗនូវការអនុគ្រោះផ្នែកពាណិជ្ជកម្ម ភាពបត់បែនផ្នែកច្បាប់ និងកម្មវិធីហិរញ្ញប្បទាន ដែលជាកត្តារួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ច និងពាណិជ្ជកម្មរបស់កម្ពុជា។ ជាមួយគ្នានេះ លោកជំទាវរដ្ឋមន្រ្តី បានគូសបញ្ជាក់ថា ការត្រៀមខ្លួនសម្រាប់ការចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួច តម្រូវឱ្យមានការកែទម្រង់ច្បាប់និងស្ថាប័ន ការជំរុញសមត្ថភាពផលិតនិងការសម្របសម្រួលពិពិធកម្មការនាំចេញ និងការបន្តធ្វើសមារណកម្មពាណិជ្ជកម្មឱ្យកាន់តែស៊ីជម្រៅទៅក្នុងសេដ្ឋកិច្ចនិងពាណិជ្ជកម្មតំបន់ និងពិភពលោកផងដែរ។ --- (Phnom Penh): On Tuesday, 5 August 2025, at Raffles Hotel Le Royal Phnom Penh, Her Excellency CHAM Nimul, Minister of Commerce, presided over the opening ceremony of the validation workshop on the ADB and UNCTAD research study "Designing a New Trade Policy for Cambodia During and After LDC Graduation: A Path of Challenges and Opportunities." The event was attended by Mr. Milan Thomas, Senior Economist of ADB in Cambodia; Mr. Paul Akiwumi, Director for Africa and LDCs at UNCTAD; as well as representatives from relevant ministries and government agencies, representatives of donors, development partners, and the private sector. Her Excellency Minister mentioned that this research study will contribute to the preparation of the Cambodia Trade Policy Framework towards 2030 and support the development of Cambodia’s trade agenda for a smooth graduation from LDC status. In this context, she stated that the Ministry of Commerce has been formulating trade policies to respond to the gradual loss of trade preferences, legal flexibilities, and financing programs, which are important contributors to the Cambodia's trade and economic development. Her Excellency Minister also emphasized that preparing for graduation from least developed country status requires legal and institutional reforms, strengthening of productive capacity, facilitation of export diversification, and continued deepening of trade and economic integration into regional and global markets.
Newsលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងជារដ្ឋមន្រ្តីសេដ្ឋកិច្ចអាស៊ានសម្រាប់កម្ពុជា បានអញ្ជើញចូលរួមកិច្ចប្រជុំអន្តររដ្ឋមន្រ្តីស្តីពី យន្តការហិរញ្ញវត្ថុសម្រាប់បណ្តាញថាមពលអាស៊ាន តាមប្រព័ន្ធវីដេអូ
(ភ្នំពេញ)៖ នារសៀលថ្ងៃព្រហស្បតិ៍ ទី១៤ ខែសីហា ឆ្នាំ២០២៥ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងជារដ្ឋមន្រ្តីសេដ្ឋកិច្ចអាស៊ានសម្រាប់កម្ពុជា បានអញ្ជើញចូលរួមកិច្ចប្រជុំអន្តររដ្ឋមន្រ្តីស្តីពី យន្តការហិរញ្ញវត្ថុសម្រាប់បណ្តាញថាមពលអាស៊ាន តាមប្រព័ន្ធវីដេអូ។ កិច្ចប្រជុំមានការចូលរួមពីរដ្ឋមន្ត្រីសេដ្ឋកិច្ចអាស៊ាន (AEM) រដ្ឋមន្ត្រីថាមពលអាស៊ាន (AMEM) ព្រមទាំងរដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន (AFMGM)។ កិច្ចប្រជុំនេះមានគោលបំណងពង្រឹងការសម្របសម្រួលឆ្លងវិស័យ ដែលគាំទ្រដល់គម្រោងផ្តល់ហិរញ្ញប្បទានបណ្តាញថាមពលអាស៊ាន ព្រមទាំងជួយសម្រួលដល់ការសន្ទនាជាយុទ្ធសាស្រ្តក្នុងចំណោមថ្នាក់រដ្ឋមន្រ្តីតាមវិស័យរបស់អាស៊ានលើការជំរុញការតភ្ជាប់ថាមពលក្នុងតំបន់។ --- (Phnom Penh): On the afternoon of Thursday, 14 August 2025, at the Ministry of Commerce, Her Excellency CHAM Nimul, Minister of Commerce and ASEAN Economic Minister (AEM) for Cambodia, attended the Ministerial Interface Meeting on Financial Mechanism for the ASEAN Power Grid via video conference. The meeting brought together ASEAN Economic Ministers (AEM), ASEAN Energy Ministers (AMEM), and ASEAN Finance Ministers and Central Bank Governors (AFMGM) to strengthen cross-sectoral coordination for the ASEAN Power Grid Financing Project and promote regional energy connectivity through strategic ministerial dialogue.
Newsឯកឧត្តម សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម អញ្ជើញដឹកនាំកិច្ចប្រជុំស្ដីពី “ការពិនិត្យលទ្ធភាពក្នុងការចូលរួមគំនិតផ្ដួចផ្ដើមរួមស្ដីពីបទប្បញ្ញត្តិក្នុងស្រុកពាក់ព័ន្ធនឹងសេវា”
(ភ្នំពេញ)៖ នារសៀលថ្ងៃទី១៥ ខែសីហា ឆ្នាំ២០២៥ នៅទីស្ដីការក្រសួងពាណិជ្ជកម្ម ឯកឧត្តម សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចប្រជុំស្ដីពី “ការពិនិត្យលទ្ធភាពក្នុងការចូលរួមគំនិតផ្ដួចផ្ដើមរួមស្ដីពីបទប្បញ្ញត្តិក្នុងស្រុកពាក់ព័ន្ធនឹងសេវា” ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី មកពីក្រសួង-ស្ថាប័នពាក់ព័ន្ធ, ឯកឧត្តមអគ្គរាជទូត ប្រធានស្ថានបេសកកម្មអចិន្ត្រៃយ៍ និងមន្ត្រីពាក់ព័ន្ធចំណុះក្រសួងពាណិជ្ជកម្ម។ គោលបំណងនៃកិច្ចប្រជុំនេះ គឺដើម្បីពន្យល់ និងពិភាក្សាអំពីគោលការណ៍នៃក្របខណ្ឌបទប្បញ្ញត្តិក្នុងស្រុកពាក់ព័ន្ធនឹងសេវា ដែលជាគំនិតផ្ដួចផ្ដើមរបស់សមាជិកអង្គការពាណិជ្ជកម្មពិភពលោក (WTO) មួយចំនួន និង ពិនិត្យលទ្ធភាពកម្ពុជាចូលរួមគំនិតផ្ដួចផ្ដើមនេះ៕