ស្វែងរកព័ត៌មាន និងឯកសារផ្លូវការ
លទ្ធផលស្វែងរកព័ត៌មានសរុបទាំង៖ 3793
Newsឯកឧត្តម ឱក ប៊ុង រដ្ឋលេខាធិការក្រសួងពាណិជ្ជកម្ម បានដឹកនាំគណៈប្រតិភូក្រសួងពាណិជ្ជកម្ម ចូលរួមដាក់កម្រងផ្កា គោរពវិញ្ញាណក្ខន្ធបុព្វការីជន និងវីវជនកម្ពុជា
(ភ្នំពេញ)៖ នារសៀលថ្ងៃសុក្រ ទី៨ ខែវិច្ឆិកា ឆ្នាំ២០២៤ នៅស្តូបវិមានឯករាជ្យ ឯកឧត្តម ឱក ប៊ុង រដ្ឋលេខាធិការក្រសួងពាណិជ្ជកម្ម បានដឹកនាំគណៈប្រតិភូក្រសួងពាណិជ្ជកម្ម ចូលរួមដាក់កម្រងផ្កា ឧទ្ទិសដល់ដួងវិញ្ញាណក្ខន្ធបុព្វការីជន និងវីរជនស្នេហាជាតិ ដែលបានពលីជីវិតក្នុងបុព្វហេតុការពារជាតិ មាតុភូមិ និងប្រជាជនកម្ពុជា។
Newsលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាតំណាងរាជរដ្ឋាភិបាលចូលរួមសម័យប្រជុំរដ្ឋសភាលើកទី៣ នីតិកាលទី៧ ដើម្បីពិភាក្សា និងអនុម័តលើសេចក្តីព្រាងច្បាប់ស្តីពី “ការអនុម័តលុបចោលកិច្ចព្រមព្រៀងស្តីពី ការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA)”
(ភ្នំពេញ)៖ នាព្រឹក ថ្ងៃសុក្រ ទី៨ ខែវិច្ឆិកា ឆ្នាំ២០២៤ នៅវិមានរដ្ឋសភា លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាតំណាងរាជរដ្ឋាភិបាលចូលរួមសម័យប្រជុំរដ្ឋសភាលើកទី៣ នីតិកាលទី៧ ក្រោមអធិបតីភាពដ៏ខ្ពង់ខ្ពស់ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដែលកិច្ចប្រជុំនេះត្រូវបានរៀបចំឡើងដើម្បីពិភាក្សា និងអនុម័តសេចក្តីព្រាងច្បាប់ស្តីពី ការអនុម័តលុបចោលកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម។ ដោយជាលទ្ធផល អង្គសភាបានអនុម័តយល់ព្រមលើសេចក្ដីព្រាងច្បាប់ទាំងមូល ចំនួន ១០៩សំឡេង នៃចំនួនសមាជិករដ្ឋសភាទាំងមូល។
Newsមន្រ្តីជំនាញនៃសាខា ក.ប.ប. ខេត្តរតនគិរី រៀបចំវគ្គផ្សព្វផ្សាយ «ស្តីពីសុវត្ថិភាពម្ហូបអាហារ និងបទប្បញ្ញត្តិពាក់ព័ន្ធនានា» ជូនដល់សិស្សានុសិស្ស លោកគ្រូ អ្នកគ្រូ និងអាជីវករលក់ម្ហូបអាហារក្នុងសាលារៀនសរុបប្រមាណ ៣០០នាក់
(រតនគិរី)៖ នារសៀលថ្ងៃទី៤ ខែវិច្ឆិកា ឆ្នាំ២០២៤ មន្ត្រីជំនាញនៃសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ខេត្តរតនគិរី បានរៀបចំវគ្គផ្សព្វផ្សាយ «ស្តីពីសុវត្ថិភាពម្ហូបអាហារ និងបទប្បញ្ញត្តិពាក់ព័ន្ធនានា» ដល់សិស្សានុសិស្ស លោកគ្រូ អ្នកគ្រូ និងអាជីវករលក់ដូរម្ហូបអាហារក្នុងសាលារៀន សរុបប្រមាណ ៣០០នាក់ ដែលស្ថិតនៅសាលាបឋមសិក្សា សម្ដេចក្រុមព្រះនរោត្តមរណឬទ្ធិ ខេត្តរតនគិរី។ វគ្គផ្សព្វផ្សាយនេះ ធ្វើឡើងដើម្បីផ្ដល់ចំណេះដឹងផ្នែកសុវត្ថិភាពម្ហូបអាហារ និងបទប្បញ្ញត្តិពាក់ព័ន្ធ ដល់សិស្សានុសិស្ស លោកគ្រូ អ្នកគ្រូ បានយល់ច្បាស់អំពីការជ្រើសរើសម្ហូបអាហារដែលមានសុវត្ថិភាព និងសិទ្ធិទទួលបានក្នុងនាមជាអ្នកប្រើប្រាស់សំដៅលើកកម្ពស់សុខុមាលភាព និងផលប្រយោជន៍សេដ្ឋកិច្ចរបស់អ្នកប្រើប្រាស់ ព្រមទាំងកាត់បន្ថយភាពក្រីក្រនៅក្នុងសង្គមជាតិ។ ឆ្លៀតក្នុងឱកាសនោះ មន្ត្រីជំនាញបានអប់រំដល់អាជីវករលក់ដូរម្ហូបអាហារក្នុងសាលារៀន ស្ដីពីរបៀបរក្សាទុក និងដាក់តាំងលក់ម្ហូបអាហារឱ្យបានត្រឹមត្រូវ និងសមស្របតាមបទដ្ឋានបច្ចេកទេស។ បន្ថែមពីនេះ មន្ត្រីជំនាញបានចែកជូនផ្ទាំងរូបភាពស្ដីពីសុវត្ថិភាពម្ហូបអាហារចំនួន ៣០០ផ្ទាំង ជូនដល់អ្នកចូលរួម ដែលបង្ហាញពីរបៀបជ្រើសរើសម្ហូបអាហារ ប្រកបដោយគុណភាព សុវត្ថិភាព តាមលក្ខខណ្ឌតម្រូវជាធរមានលើស្លាកសញ្ញា សម្រាប់ផលិតផលម្ហូបអាហារវេចខ្ចប់ស្រាប់ និងប្រព័ន្ធគ្រប់គ្រងសុវត្ថិភាពម្ហូបអាហារ ចាប់ពីកសិដ្ឋានដល់តុអាហារ៕
Newsមន្ត្រីជំនាញ សាខា ក.ប.ប. ខេត្តចំនួន៣ បន្តចុះត្រួតពិនិត្យទំនិញ និងគ្រឿងឧបភោគបរិភោគនៅតាមទីផ្សារ
នាថ្ងៃទី៤ ខែវិច្ឆិកា ឆ្នាំ២០២៤ មន្ត្រីជំនាញនៃសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ខេត្តចំនួន៣ រួមមាន៖ ខេត្តកំពង់ធំ ខេត្តក្រចេះ និងខេត្តស្វាយរៀង បានសហការជាមួយមន្ទីរពាណិជ្ជកម្មខេត្ត និងគណៈកម្មការផ្សារ បានចុះត្រួតពិនិត្យ និងធ្វើតេស្តបឋម លើទំនិញម្ហូបអាហារ រួមមាន គ្រឿងសមុទ្រ បន្លែ ត្រីសាច់ ណែម សរសៃគុយទាវ ។ល។ ដែលដាក់លក់នៅតាមផ្ទះលក់ទំនិញជុំវិញនៅផ្សារ និងផ្សារនានា ដើម្បីការពារសុខុមាលភាពអ្នកប្រើប្រាស់។ ជាលទ្ធផល មន្ត្រីយើងបានធ្វើតេស្តបឋមលើសំណាកគំរូទំនិញសរុបចំនួន ១៧គំរូ ដែលក្នុងនោះ មន្ត្រីជំនាញពុំបានរកឃើញមានផ្ទុកសារធាតុគីមីហាមឃាត់នោះទេ។ យ៉ាងណាមិញ មន្ត្រីបានរកឃើញ និងដកហូត គុយទាវអនាម័យ បាញ់ស៊ុងកញ្ចប់ និងនំកញ្ចប់ ពុំមានគុណភាពចំនួន ១១គីឡូក្រាម និង ស្ករគ្រាប់កូនក្មេងចំរុះ ចំនួន ១៦.៣០គីទ្បូក្រាម ដែលគ្មានផ្លាកសញ្ញាត្រឹមត្រូវលើសំបកវេចខ្ចប់ ដោយយកមករក្សាទុកនៅស្នាក់ការសាខា ដើម្បីដុតកម្ទេចចោលតាមនីតិវិធី ព្រមទាំងបានឱ្យអាជីវករធ្វើកិច្ចសន្យាបញ្ឈប់ការដាក់លក់ទំនិញគ្មានគុណភាពតទៀត ផងដែរ៕
Newsរូបភាពខ្លះៗពីការចូលទស្សនាពន្លាជាតិកម្ពុជា នៅក្នុងពិព័រណ៍ទំនិញនាំចូលអន្តរជាតិចិន លើកទី៧ នៅទីក្រុងសៀងហៃ សាធារណរដ្ឋប្រជាមានិតចិន នាថ្ងៃទី៧ ខែវិច្ឆិកា ឆ្នាំ២០២៤
(សៀងហៃ, ចិន)៖ រូបភាពខ្លះៗពីការចូលទស្សនាពន្លាជាតិកម្ពុជា នៅក្នុងពិព័រណ៍ទំនិញនាំចូលអន្តរជាតិចិន លើកទី៧ នៅទីក្រុងសៀងហៃ សាធារណរដ្ឋប្រជាមានិតចិន នាថ្ងៃទី៧ ខែវិច្ឆិកា ឆ្នាំ២០២៤ នេះ។