ស្វែងរកព័ត៌មាន និងឯកសារផ្លូវការ
លទ្ធផលស្វែងរកព័ត៌មានសរុបទាំង៖ 3800
Newsឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម អញ្ជើញជាអធិបតីក្នុងកិច្ចប្រជុំផ្សព្វផ្សាយស្តីពី ការត្រៀមរៀបចំបោះឆ្នោតជ្រើសរើសថ្នាក់ដឹកនាំសមាគមស្វាយកំពង់ស្ពឺ
(កំពង់ស្ពឺ)៖ នាព្រឹកថ្ងៃពុធ ទី២៥ ខែកញ្ញា ឆ្នាំ២០២៤ នៅមន្ទីរពាណិជ្ជកម្មខេត្តកំពង់ស្ពឺ ឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម និង ឯកឧត្តម ជាវ វិជ្ជាក់ អភិបាលរងនៃគណៈអភិបាលខេត្តកំពង់ស្ពឺ តំណាង ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ អញ្ជើញជាអធិបតីភាពក្នុងកិច្ចប្រជុំផ្សព្វផ្សាយស្តីពី ការត្រៀមរៀបចំការបោះឆ្នោតជ្រើសរើសថ្នាក់ដឹកនាំសមាគមស្វាយកំពង់ស្ពឺ ដោយមានការអញ្ជើញចូលរួមពី ប្រធានមន្ទីរពាណិជ្ជកម្មខេត្តកំពង់ស្ពឺ ឯកឧត្តមប្រធានសភាពាណិជ្ជកម្មខេត្ត លោកប្រធាន អនុប្រធានមន្ទីរកសិកម្មខេត្ត និងមន្ទីរឧស្សាហកម្មខេត្ត មន្ត្រីជំនាញនៃមន្ទីរពាណិជ្ជកម្មខេត្ត ព្រមទាំងអាជ្ញាធរក្រុង-ស្រុក ឈ្មួញ ម្ចាស់ចំការ អ្នកលក់ និងតំណាងធនាគារអភិវឌ្ឃន៍ជនបទ និងកសិកម្ម។ កិច្ចប្រជុំនេះមានគោលបំណងផ្សព្វផ្សាយ និងត្រៀមរៀបចំការបោះឆ្នោតជ្រើសរើសប្រធានសមាគមស្វាយកំពង់ស្ពឺ ដើម្បីលើកទឹកចិត្តដល់អ្នកធ្វើអាជីវកម្មលើផលិតផលពីស្វាយ មានសមាគមគ្រប់គ្រងច្បាស់លាស់ ងាយស្រួលទទួលបានពត៌មានទៅវិញទៅមក និងទទួលបានធាតុចូលបន្ថែម។
Newsផលិតផលបារី ដែលមិនអនុលោមតាមច្បាប់ បទប្បញ្ញតិបច្ចេកទេស ខូចគុណភាព និងគ្មានប្រភពច្បាស់លាស់ ត្រូវបានមន្ត្រីជំនាញនៃអគ្គនាយកដ្ឋាន ក.ប.ប. នាំយកទៅបំផ្លាញចោល
(ភ្នំពេញ)៖ នាព្រឹកថ្ងៃពុធ ទី២៥ ខែកញ្ញា ឆ្នាំ២០២៤ ផលិតផលបារី មិនអនុលោមតាមច្បាប់ បទប្បញ្ញតិបច្ចេកទេស ខូចគុណភាព និងគ្មានប្រភពច្បាស់លាស់ចំនួន ៣៤៦កេស ត្រូវបានមន្រ្តីជំនាញនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ “ក.ប.ប.” នៃក្រសួងពាណិជ្ជកម្ម បាននាំយកទៅបំផ្លាញចោលទៅតាមនីតិវិធី។ ពិធីនេះ ធ្វើឡើងនៅទីលានចាក់សម្រាម ក្នុងសង្កាត់ជើងឯក ខណ្ឌដង្កោ រាជធានីភ្នំពេញ ដោយមានការសហការជាមួយនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលរាជធានីភ្នំពេញ និងក្រោមការដឹកនាំ និងសម្របសម្រួល ដោយតំណាងអយ្យការអមសាលាដំបូងរាជធានីភ្នំពេញ។
Newsអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានរៀបចំវគ្គបណ្តុះបណ្តាលស្តីពី «ច្បាប់ស្តីពីសុវត្ថិភាពម្ហូបអាហារ» ជូនមន្ត្រីក្រោមឱវាទ ដើម្បីពង្រឹងសមត្ថភាពរបស់មន្ត្រីជំនាញពាក់ព័ន្ធនឹងម្ហូបអាហារឱ្យកាន់តែល្អប្រសើរបន្ថែមទៀត
(ភ្នំពេញ)៖ នាព្រឹកថ្ងៃពុធ ទី២៥ ខែកញ្ញា ឆ្នាំ២០២៤ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានរៀបចំវគ្គបណ្តុះបណ្តាលស្តីពី «ច្បាប់ស្តីពីសុវត្ថិភាពម្ហូបអាហារ» ជូនមន្ត្រីក្រោមឱវាទ ដើម្បីពង្រឹងសមត្ថភាពរបស់មន្ត្រីជំនាញពាក់ព័ន្ធនឹងម្ហូបអាហារឱ្យកាន់តែល្អប្រសើរបន្ថែមទៀត។
Newsឯកឧត្ដម រដ្ឋ សារ៉ាវុធ រដ្ឋលេខាធិការក្រសួងពាណិជ្ជកម្ម បានចូលរួមវេទិកាពិភពលោកលើកទី១០ របស់អង្គការតំបន់សេរីពិភពលោក នៅទីក្រុងឌុយបៃ នៃប្រទេសអេមីរ៉ាតអារ៉ាប់រួម
(ឌុយបៃ, អេមីរ៉ាតអារ៉ាប់រួម)៖ នាថ្ងៃទី២៣-២៥ ខែកញ្ញា ឆ្នាំ២០២៤ ឯកឧត្ដម រដ្ឋ សារ៉ាវុធ រដ្ឋលេខាធិការក្រសួងពាណិជ្ជកម្ម បានអញ្ជើញចូលរួមវេទិកាពិភពលោកលើកទី១០ របស់អង្គការតំបន់សេរីពិភពលោក (The 10th World Free Zones Organization Congress) នៅទីក្រុងឌុយបៃ នៃប្រទេសអេមីរ៉ាតអារ៉ាប់រួម ដែលមានការអញ្ជើញចូលរួមពីតំណាងថ្នាក់ដឹកនាំនៃស្ថាប័នរដ្ឋ-ឯកជន និងបញ្ញវ័ន្ត សរុបចំនួនប្រមាណ ២០០០នាក់ មកពីជាង ១០០ប្រទេស ទូទាំងពិភពលោក ក្នុងគោលបំណងដើម្បីពិភាក្សានិងស្វែងយល់អំពីសារសំខាន់នៃតំបន់សេដ្ឋកិច្ចពិសេសក្នុងការទាក់ទាញការវិនិយោគ ការបង្កើតការងារ និងការជំរុញនវានុវត្តន៍ ព្រមទាំងដើម្បីស្វែងរកកាលានុវត្តភាពថ្មីៗសម្រាប់ការវិនិយោគលើ អនាគតនៃភស្តុភារកម្ម កម្មន្តសាល ថាមពល ឌីជីថល និងអនាគតនៃការស្វែងរកហិរញ្ញវត្ថុ (access to finance)។
Newsរូបភាពខ្លះៗស្ដីពីការចូលទស្សនាពន្លាជាតិកម្ពុជា ដែលបានរៀបចំឡើងនៅក្នុងពិព័រណ៍ចិន-អាស៊ាន លើកទី២១ នៅទីក្រុងណាននីង សាធារណរដ្ឋប្រជាមានិតចិន នាថ្ងៃទី២៥ ខែកញ្ញា ឆ្នាំ២០២៤ នេះ
(ណាននីង, ចិន)៖ រូបភាពខ្លះៗស្ដីពីការចូលទស្សនាពន្លាជាតិកម្ពុជា ដែលបានរៀបចំឡើងនៅក្នុងពិព័រណ៍ចិន-អាស៊ាន លើកទី២១ នៅទីក្រុងណាននីង សាធារណរដ្ឋប្រជាមានិតចិន នាថ្ងៃទី២៥ ខែកញ្ញា ឆ្នាំ២០២៤ នេះ