ស្វែងរកព័ត៌មាន និងឯកសារផ្លូវការ
លទ្ធផលស្វែងរកព័ត៌មានសរុបទាំង៖ 3789
Newsលោក ឡៅ ងូន អេង អនុព័ន្ធពាណិជ្ជកម្មអមស្ថានអគ្គកុងស៊ុលកម្ពុជាប្រចាំទីក្រុងក្វាងចូវ នៃខេត្តក្វាងទុង សាធារណរដ្ឋប្រជាមានិតចិន បានចុះទស្សកិច្ចនៅរោងចក្រចម្រោះជាតិពុលគីមីឧស្សាហកម្ម នៅទីក្រុងស៊ិនជិន នៃខេត្តក្វាងទុង ដេីម្បីពិនិត្យខ្សែច្រវាក់ផលិតកម្មរបស់ក្រុមហ៊ុន ដែលជាប់លំដាប់លេខមួយលើជំនាញចម្រោះជាតិពុលឧស្សាហកម្មរបស់ខេត្តក្វាងទុង
(ស៊ិនជិន, ចិន)៖ នាថ្ងៃសៅរ៍ ទី៩ ខែវិច្ឆិកា ឆ្នាំ២០២៤ នៅខេត្តក្វាងទុង នៃសាធារណរដ្ឋប្រជាមានិតចិន តាមការអញ្ជេីញរបស់ក្រុមហ៊ុន DONGJIANG ENVIRONMENT CO., LTD លោក ឡៅ ងូន អេង អនុព័ន្ធពាណិជ្ជកម្មអមស្ថានអគ្គកុងស៊ុលកម្ពុជាប្រចាំទីក្រុងក្វាងចូវ នៃខេត្តក្វាងទុង សាធារណរដ្ឋប្រជាមានិតចិន បានចុះទស្សកិច្ចនៅរោងចក្រចម្រោះជាតិពុលគីមីឧស្សាហកម្ម នៅទីក្រុងស៊ិនជិន នៃខេត្តក្វាងទុង ដេីម្បីពិនិត្យខ្សែច្រវាក់ផលិតកម្មរបស់ក្រុមហ៊ុន ដែលជាប់លំដាប់លេខមួយលើជំនាញចម្រោះជាតិពុលឧស្សាហកម្មរបស់ខេត្តក្វាងទុង។
Newsឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមសន្និសីទពិភពលោកគ្មានភាពអត់ឃ្លាន ដែលរៀបចំដោយអង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO) គណៈកម្មាការសហភាពអាហ្វ្រិក (AUC) និងរដ្ឋាភិបាលនៃសាធារណរដ្ឋប្រជាធិបតេយ្យសហព័ន្ធអេត្យូពី ដោយមានជំនួយបច្ចេកទេសពីអង្គការស្បៀងអាហារ និងកសិកម្មសហប្រជាជាតិ (FAO) នៅទីក្រុងអាឌីស អាបាបា សាធារណរដ្ឋប្រជាធិបតេយ្យសហព័ន្ធអេត្យូពី
(អាឌីសអាបាបា, អេត្យូពី)៖ នាថ្ងៃទី៥ ដល់ថ្ងៃទី៧ ខែវិច្ឆិកា ឆ្នាំ២០២៤ ឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមសន្និសីទពិភពលោកគ្មានភាពអត់ឃ្លាន ដែលរៀបចំដោយអង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO) គណៈកម្មាការសហភាពអាហ្វ្រិក (AUC) និងរដ្ឋាភិបាលនៃសាធារណរដ្ឋប្រជាធិបតេយ្យសហព័ន្ធអេត្យូពី ដោយមានជំនួយបច្ចេកទេសពីអង្គការស្បៀងអាហារ និងកសិកម្មសហប្រជាជាតិ (FAO) នៅទីក្រុងអាឌីស អាបាបា សាធារណរដ្ឋប្រជាធិបតេយ្យសហព័ន្ធអេត្យូពី។ សន្និសីទនេះ មានការអញ្ជើញចូលរួមពីតំណាងភាគីពាក់ព័ន្ធប្រមាណជាង ១ ៥០០នាក់ មកពីទូទាំងពិភពលោក រួមទាំងប្រមុខរដ្ឋ/រដ្ឋាភិបាល រដ្ឋមន្ត្រី តំណាងជាន់ខ្ពស់នៃរដ្ឋាភិបាល ទីភ្នាក់ងារអង្គការសហប្រជាជាតិ វិស័យឯកជន ស្ថាប័នហិរញ្ញវត្ថុ សហគមន៍ម្ចាស់ជំនួយ DFI/IFI សង្គមស៊ីវិល អង្គការមិនមែនរដ្ឋាភិបាល បណ្ឌិតសភា និងប្រព័ន្ធផ្សព្វផ្សាយ។ ល។ --- (Addis Ababa, Ethiopia): From 5 to 7 November 2024, His Excellency OUM Kosal, Undersecretary of State of the Ministry of Commerce, attended the World Without Hunger Conference. The conference was co-organized by the United Nations Industrial Development Organization (UNIDO), the African Union Commission (AUC), and the Government of the Federal Democratic Republic of Ethiopia, with technical assistance from the Food and Agriculture Organization (FAO) in Addis Ababa, Ethiopia. The conference was attended by over 1,500 high-level stakeholders, including heads of state/government, ministers, UN agencies, the private sector, financial institutions, the donor community, DFIs/IFIs, civil society, non-governmental organizations, academia, and media, among others.
Newsឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមជាវាគ្មិនថ្លែងសុន្ទរកថាគន្លឹះស្តីពីទំនាក់ទំនងរវាងសន្តិសុខស្បៀង ពាណិជ្ជកម្ម និងការវិនិយោគ ក្នុងវិស័យដែលមានសារៈសំខាន់ចំពោះសុខុមាលភាពសង្គម និងក្នុងការកែលម្អសន្តិសុខស្បៀង និងអាហារូបត្ថម្ភ ក្នុងសន្និសីទពិភពលោកគ្មានភាពអត់ឃ្លាន នៅទីក្រុងអាឌីស អាបាបា សាធារណរដ្ឋប្រជាធិបតេយ្យសហព័ន្ធអេត្យូពី
(អាឌីសអាបាបា, អេត្យូពី) ៖ នាថ្ងៃព្រហស្បតិ៍ ទី៧ ខែវិច្ឆិកា ឆ្នាំ២០២៤ ឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមជាវាគ្មិនថ្លែងសុន្ទរកថាគន្លឹះស្តីពីទំនាក់ទំនងរវាងសន្តិសុខស្បៀង ពាណិជ្ជកម្ម និងការវិនិយោគ ក្នុងវិស័យដែលមានសារៈសំខាន់ចំពោះសុខុមាលភាពសង្គម និងក្នុងការកែលម្អសន្តិសុខស្បៀង និងអាហារូបត្ថម្ភ ក្នុងសន្និសីទពិភពលោកគ្មានភាពអត់ឃ្លាន នៅទីក្រុងអាឌីស អាបាបា សាធារណរដ្ឋប្រជាធិបតេយ្យសហព័ន្ធអេត្យូពី។ សន្និសីទនេះ សហការរៀបចំដោយអង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO) គណៈកម្មាការសហភាពអាហ្វ្រិក (AUC) និងរដ្ឋាភិបាលនៃប្រទេសអេត្យូពី ដោយមានជំនួយបច្ចេកទេសពីអង្គការស្បៀងអាហារ និងកសិកម្មសហប្រជាជាតិ (FAO) ព្រមទាំងមានការអញ្ជើញចូលរួមពីភាគីពាក់ព័ន្ធប្រមាណជាង ១ ៥០០នាក់ មកពីទូទាំងពិភពលោក រួមទាំងប្រមុខរដ្ឋ/រដ្ឋាភិបាល រដ្ឋមន្ត្រី តំណាងជាន់ខ្ពស់់នៃរដ្ឋាភិបាល ទីភ្នាក់ងារអង្គការសហប្រជាជាតិ វិស័យឯកជន ស្ថាប័នហិរញ្ញវត្ថុ សហគមន៍ម្ចាស់ជំនួយ DFI/IFI សង្គមស៊ីវិល អង្គការមិនមែនរដ្ឋាភិបាល បណ្ឌិតសភា និងប្រព័ន្ធផ្សព្វផ្សាយ។ ល។ --- (Addis Ababa, Ethiopia): On Thursday, 07 November 2024, His Excellency OUM Kosal, Undersecretary of State of the Ministry of Commerce, delivered a keynote speech on the relationship between food security, trade, and investment, which are crucial to societal well-being and improving food security, at the World Without Hunger Conference (WWHC) in Addis Ababa, the Federal Democratic Republic of Ethiopia. The conference was co-organized by the United Nations Industrial Development Organization (UNIDO), the African Union Commission (AUC), and the Government of Ethiopia, with the technical assistance of the Food and Agriculture Organization (FAO). The conference was attended by over 1,500 high-level stakeholders, including heads of state/government, ministers, UN agencies, the private sector, financial institutions, the donor community, DFI/IFI, civil society, non-governmental organizations, academia, and media, among others.
Newsអបអរសាទរ ខួបអនុស្សាវរីយ៍លើកទី ៧១ នៃ ទិវាបុណ្យឯករាជ្យជាតិ ៩ វិច្ឆិកា ១៩៥៣ - ៩ វិច្ឆិកា ២០២៤
អបអរសាទរ ខួបអនុស្សាវរីយ៍លើកទី ៧១ នៃ ទិវាបុណ្យឯករាជ្យជាតិ ៩ វិច្ឆិកា ១៩៥៣ - ៩ វិច្ឆិកា ២០២៤
Newsឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម បានទទួលជួបសម្តែងការគួរសម និងពិភាក្សាការងារជាមួយ លោកស្រី CHOI Moon Jung នាយិកាទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) ប្រចាំប្រទេសកម្ពុជា និងសហការី
(ភ្នំពេញ)៖ នាព្រឹកថ្ងៃសុក្រ ទី៨ ខែវិច្ឆិកា ឆ្នាំ២០២៤ នៅទីស្តីការក្រសួងពាណិជ្ជកម្ម ឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម បានទទួលជួបសម្តែងការគួរសម និងពិភាក្សាការងារជាមួយ លោកស្រី CHOI Moon Jung នាយិកាទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) ប្រចាំប្រទេសកម្ពុជា និងសហការី។ នៅក្នុងជំនួបពិភាក្សានេះ លោកស្រី CHOI Moon Jung បានលើកឡើងថា ភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) បានធ្វើការសហការ និងជួយគាំទ្រដល់រាជរដ្ឋាភិបាលកម្ពុជា ក្នុងការកសាងហេដ្ឋារចនាសម្ព័ន្ធ និងការកសាងធនធានមនុស្សរបស់កម្ពុជាតាមរយៈការផ្តល់អាហារូបករណ៍ជូនសិស្ស និស្សិត និងមន្ត្រីរាជការរបស់កម្ពុជាកន្លងមក។ ជាការឆ្លើយតប ឯកឧត្តមរដ្ឋលេខាធិការ បានថ្លែងអំណរគុណដល់ភ្នាក់ងារសហប្រតិបត្តិការអន្តរជាតិកូរ៉េ និងបានស្វាគមន៍ចំពោះគម្រោងចុះសិក្សាជាបឋមលើសំណើគម្រោងរបស់នាយកដ្ឋានកម្មសិទ្ធិបញ្ញា នៃអគ្គនាយកដ្ឋានសេវាពាណិជ្ជកម្ម នៃក្រសួងពាណិជ្ជកម្ម ស្តីពី“ជំរុញការលើកកម្ពស់ម៉ាកពាណិជ្ជកម្មរបស់កម្ពុជានាពេលអនាគត៖ គន្លឹះនៃការឈានទៅរកការកសាងកេរ្តិ៍ឈ្មោះម៉ាក ពាណិជ្ជកម្មរបស់កម្ពុជាតាមរយៈដំណោះស្រាយឌីជីថលឈានមុខ”។ ឯកឧត្តមរដ្ឋលេខាធិការ បន្ថែមថា គម្រោងខាងលើនេះនឹងចូលរួមចំណែកក្នុងការអភិវឌ្ឍប្រព័ន្ធកម្មសិទ្ធិបញ្ញាកម្ពុជា តាមរយៈការបញ្ចូលការប្រើប្រាស់ប្រព័ន្ធបច្ចេកវិទ្យាបញ្ញាសិប្បនិម្មិត(AI) ការធ្វើសមាហរណកម្មទិន្នន័យម៉ាក ការវិភាគទិន្នន័យម៉ាក និងការផ្តល់ប្រឹក្សាយោបល់សម្រាប់សេវាចុះបញ្ជីម៉ាក ជំរុញការចុះបញ្ជីម៉ាកសម្គាល់ភូមិសាស្ត្រទំនិញកម្ពុជា ការលើកកម្ពស់កិច្ចការពារនិងការអនុវត្តសិទ្ធិកម្មសិទ្ធិបញ្ញា និងការកសាងកេរ្តិ៍ឈ្មោះម៉ាកនៃផលិតផលកម្ពុជាលើទីផ្សារជាតិ និងអន្តរជាតិ ព្រមទាំងការអភិវឌ្ឍសហគ្រាសធុនតូចនិងមធ្យម និងការជំរុញការវិនិយោគបន្ថែមនៅកម្ពុជា។