ស្វែងរកព័ត៌មាន និងឯកសារផ្លូវការ
លទ្ធផលស្វែងរកព័ត៌មានសរុបទាំង៖ 3766
Newsលោកជំទាវ ស្វាយ ណាគ្រី អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមថ្លែងសុន្ទរកថាគន្លឹះក្នុងសន្និសីទ “2025 ASEAN -China Advanced Industrial Cooperation and Development Exchange Conference and China-Cross Border Economic Cooperation Development Conference” ក្រោមអធិបតីយភាព ឯកឧត្តម WANG Nai Xue អនុប្រធានសភាប្រឹក្សាយោបល់ប្រជាជនខេត្តគ័ងស៊ី និងលោក SHI Zhong Xun អគ្គលេខាធិការមណ្ឌលចិន-អាស៊ាន ដោយមានការចូលរួមពីមន្ត្រីរដ្ឋាភិបាល សហគ្រិន និងអ្នកស្រាវជ្រាវមកពីប្រទេសចិន និងបណ្តាប្រទេសអាស៊ាននានា
(ណាននីង, ក្វាងស៊ី, ចិន)៖ នាព្រឹកថ្ងៃអង្គារ ទី១៦ ខែកញ្ញា ឆ្នាំ២០២៥ លោកជំទាវ ស្វាយ ណាគ្រី អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមថ្លែងសុន្ទរកថាគន្លឹះក្នុងសន្និសីទ “2025 ASEAN -China Advanced Industrial Cooperation and Development Exchange Conference and China-Cross Border Economic Cooperation Development Conference” ក្រោមអធិបតីយភាព ឯកឧត្តម WANG Nai Xue អនុប្រធានសភាប្រឹក្សាយោបល់ប្រជាជនខេត្តគ័ងស៊ី និងលោក SHI Zhong Xun អគ្គលេខាធិការមណ្ឌលចិន-អាស៊ាន ដោយមានការចូលរួមពីមន្ត្រីរដ្ឋាភិបាល សហគ្រិន និងអ្នកស្រាវជ្រាវមកពីប្រទេសចិន និងបណ្តាប្រទេសអាស៊ាននានា។ សន្និសិទនេះ មានគោលបំណងធ្វើឱ្យកាន់តែស៊ីជម្រៅនូវការច្នៃប្រឌិតរួមគ្នាក្នុងតំបន់ ជំរុញការរួមបញ្ចូលយ៉ាងស៊ីជម្រៅនៃបញ្ញាសិប្បនិមិត្ត និងសេដ្ឋកិច្ចពិត និងបញ្ចូលកម្លាំងជំរុញថ្មីក្នុងការកសាងសហគមន៍ចិន-អាស៊ាន។ នាព្រឹកថ្ងៃបន្ទាប់ លោកជំទាវអនុរដ្ឋលេខាធិការ ក៏បានចូលរួមពិធីបើកពិព័រណ៌ផ្លូវការចិន-អាស៊ានឆ្នាំ២០២៥ និងវេទិកាកំពូលធុរៈកិច្ចនិងវិនិយោគចិន-អាស៊ាន ក្រោមអធិបតីយភាពឯកឧត្តម HAN Zheng អនុប្រធានាធិបតីយចិន ក្រោមប្រធានបទ “បញ្ញាសិប្បនិមិត្ត និងនវានុវត្តន៍ឌីជីថលជួយជំរុញការអភិវឌ្ឍ ការប្រើប្រាស់កាលានុវត្តភាពថ្មីៗនៃតំបន់ពាណិជ្ជកម្មសេរី ចិន-អាស៊ាន ៣.០ ដើម្បីកសាងសហគមន៍ចិន-អាស៊ាន ដែលកាន់តែជិតស្និទ្ធ និងមានអនាគតរួម”។ --- (Nanning, Guangxi, China): On the morning of Tuesday, 16 September 2025, Her Excellency SVAY Nakry, Undersecretary of State of the Ministry of Commerce, delivered a keynote speech at the “2025 ASEAN-China Advanced Industrial Cooperation and Development Exchange Conference and the China-Cross Border Economic Cooperation Development Conference”, which was presided over by His Excellency WANG Nai Xue, Vice Chairman of the People’s Consultative Assembly of Guangxi Province, and Mr. SHI Zhong Xun, Secretary General of the China-ASEAN Center,including government officials, entrepreneurs, and researchers from China and ASEAN countries also attended. The conference aimed to deepen regional joint innovation and promote the deep integration of artificial intelligence and the real economy, and inject new impetus into the building of the China-ASEAN community. On the next morning, Her Excellency also participated in the opening ceremony of the 2025 China-ASEAN Expo and the China-ASEAN Business and Investment Summit, which was presided over by His Excellency HAN Zheng, Vice President of the People’s Republic of China, under the theme of "Digital intelligence and innovation empower development – leveraging China-ASEAN Free Trade Area 3.0 new opportunities for an even closer China-ASEAN community with a shared future.”
Newsផ្សារផលិតផលខ្មែរខេត្តព្រះវិហារ កំពុងដំណើរការលក់ផលិតផល កសិផលក្នុងស្រុក ដែលមានទីតាំងស្ថិតនៅភូមិកណ្តាល សង្កាត់កំពង់ប្រណាក ក្រុងព្រះវិហារ (នៅផ្លូវភ្លោះ ខាងលិចវិមានឯករាជ្យខេត្តព្រះវិហារ)
(ខេត្តព្រះវិហារ)៖ ផ្សារផលិតផលខ្មែរខេត្តព្រះវិហារ បាននឹងកំពុងដំណើរលក់កសិផល និងផលិតផលខ្មែរ ដែលបានដាំដុះ និងកែច្នៃដោយកសិករខ្មែរយើង មានដូចជាមាន់ខ្មែរ(មាន់ស្រែ) បន្លែសុវត្ថិភាព អង្ករ ពងមាន់ ពងទា ផ្លែឈើ អាហារកែច្នៃនានា និងផលិតផលប្រើប្រាស់ទូទៅ នៅរៀងរាល់ថ្ងៃសុក្រ និងថ្ងៃសៅរ៍ ចាប់ពីម៉ោង ០៦៖០០ នាទីព្រឹក -៦៖០០ នាទីល្ងាច។ 👉 ស្វែងរកទីតាំងលក់របស់ផ្សារផលិតផលខ្មែរ ខេត្តព្រះវិហារ https://maps.app.goo.gl/nxj5JQAcaTjx5wG76?g_st=atm សូមបញ្ជាក់ថា ក្រោមការដឹកនាំ និងការគាំទ្ររបស់ក្រសួងពាណិជ្ជកម្ម និងការសម្របសម្រួលផ្តល់ទីតាំងរបស់រដ្ឋបាលខេត្ត មន្ទីរពាណិជ្ជកម្មខេត្តព្រះវិហារ ក្រោមគម្រោងជំរុញទីផ្សារសម្រាប់កសិកម្មខ្នាតតូច (AIMS) នៃក្រសួងពាណិជ្ជកម្ម បានរៀបចំ និងដាក់ឲ្យដំណើរការផ្សារលក់ផលិតផលខ្មែរ ចាប់តាំងពីឆ្នាំ២០១៩ រហូតមកដល់បច្ចុប្បន្ន។ ផ្សារនេះ មានគោលបំណងផ្ដល់ឱកាសទីផ្សារបន្ថែមដល់កសិករ ផលិតករអាជីវករខ្នាតតូច ជាតំណាងពីក្រុមកសិករផលិត និងជាការតភ្ជាប់ទំនាក់ទំនងទីផ្សារឱ្យកាន់តែប្រសើរ ដល់ក្រុមផលិតដែលអាចរកប្រាក់ចំណូល និងលើកកម្ពស់ជីវភាពរស់នៅពួកគេ។ ការចូលរួមលើកកម្ពស់ និងប្រើប្រាស់ផលិតផលខ្មែរ ជាការរួមចំណែកបង្កើនផលិតភាពផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គមឲ្យកាន់តែប្រសើរឡើង។ សូមចូលរួមគាំទ្រផ្សារផលិផលខ្មែរ ដើម្បីលើកស្ទួយជីវភាពកសិករ និងផលិតករខ្មែរ។
Newsលោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្មកម្ពុជា បានដឹកនាំរៀបចំព្រឹត្តិការណ៍អមកម្ពុជា (Side Event) នៅក្នុងអំឡុងពេលនៃការប្រព្រឹត្តិទៅនៃវេទិកាសាធារណៈរបស់អង្គការពាណិជ្ជកម្មពិភពលោកប្រចាំឆ្នាំ២០២៥ (WTO Public Forum 2025) ក្រោមមូលបទ “Enhance, Create, and Preserve”
(ទីក្រុងហ្សឺណែវ, ប្រទេសស្វ៊ីស)៖ នាព្រឹកថ្ងៃព្រហស្បតិ៍ ទី១៨ ខែកញ្ញា ឆ្នាំ២០២៥ នៅទីស្នាក់ការអង្គការពាណិជ្ជកម្មពិភពលោក (WTO) ទីក្រុងហ្សឺណែវ ប្រទេសស្វ៊ីស លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្មកម្ពុជា បានដឹកនាំរៀបចំព្រឹត្តិការណ៍អមកម្ពុជា (Side Event) នៅក្នុងអំឡុងពេលនៃការប្រព្រឹត្តិទៅនៃវេទិកាសាធារណៈរបស់អង្គការពាណិជ្ជកម្មពិភពលោកប្រចាំឆ្នាំ២០២៥ (WTO Public Forum 2025) ក្រោមមូលបទ “Enhance, Create, and Preserve”។ ក្នុងឱកាសនេះ លោកជំទាវរដ្ឋលេខាធិការ បានចូលរួមជាវាគ្មិនក្នុងព្រឹត្តិការណ៍អមកម្ពុជាក្រោមចំណងជើងថា «ការកសាងប្រព័ន្ធអេកូឡូស៊ីពាណិជ្ជកម្មឌីជីថល៖ ទស្សនវិស័យរបស់កម្ពុជា» ដែលបានសហការរៀបចំជាមួយស្ថានបេសកកម្មកម្ពុជាប្រចាំអង្គការ WTO ដើម្បីបង្ហាញពីការអភិវឌ្ឍវិស័យពាណិជ្ជកម្មកម្ពុជា ការអនុវត្តពេលលេញនូវកិច្ចព្រមព្រៀងស្តីពីកិច្ចសម្រួលពាណិជ្ជកម្ម និងវឌ្ឍនភាពនៃការអភិវឌ្ឍប្រព័ន្ធអេកូឡូស៊ីពាណិជ្ជកម្មឌីជីថលដែលគាំទ្រដល់ការធ្វើពាណិជ្ជកម្មតាមប្រព័ន្ធអេឡិចត្រូនិក ពាណិជ្ជកម្មឌីជីថល និងការវិនិយោគក្នុងវិស័យនេះនៅកម្ពុជា។ ក្នុងព្រឹត្តិការណ៍អមកម្ពុជា ឯកឧត្តម James Baxter អគ្គរដ្ឋទូតអូស្ត្រាលីប្រចាំអង្គការពាណិជ្ជកម្មពិភពលោក លោក Pradeep MEHTA អគ្គលេខាធិកាអង្គការ CUTS International និងលោកស្រី Wendy PARATIAN អ្នក សម្រួលនៃកម្មវិធីEIF ក៏បានអញ្ជើញចូលរួមជាវាគ្មិនក្នុងព្រឹត្តិការណ៍អមកម្ពុជា ដើម្បីចែករំលែកទស្សនវិស្ស័យ និងការគាំទ្រនានាដល់កម្ពុជាពាក់ព័ន្ធនឹងការធ្វើពាណិជ្ជកម្មតាមប្រព័ន្ធអេឡិចត្រូនិក និងពាណិជ្ជកម្មឌីជីថល ផងដែរ។ - - - (Geneva, Switzerland): On Thursday morning, September 18, 2025, at the World Trade Organization (WTO) headquarters in Geneva, Switzerland, Her Excellency Tekreth Kamrang, Secretary of State of the Ministry of Commerce, led the organization of a Cambodian Side Event at the margin of WTO Public Forum 2025 under the theme “Enhance, Create, and Preserve”. On this occasion, Her Excellency Secretary of State participated as a speaker at the Cambodian event titled “Building Digital Trade Ecosystem: A Perspective of Cambodia,” which was co-organized with the Cambodian Mission to the WTO to showcase the development of Cambodia’s trade sector, full implementation of the Trade Facilitation Agreement, and the current development of digital trade ecosystem that supports e-commerce, digital trade, and investment in this sector in Cambodia. At the Cambodian side event, His Excellency James Baxter, Ambassador and Permanent Representative of Australia to the WO, Mr. Pradeep MEHTA, Secretary of CUTS International, Ms. Wendy PARATIAN, Coordinator of the EIF, were joint as panelists to share their perspectives and support for Cambodia related to e-commerce and digital trade.
Newsផលិតផលខ្មែរជាច្រើនមុខ ដែលសុទ្ធតែផលិតនៅក្នុងស្រុក បាននិងកំពុងដាក់លក់ នៅក្នុងស្តង់ផ្សារផលិតផលខ្មែរ នៅខេត្តកំពង់ស្ពឺ
(កំពង់ស្ពឺ)៖ ផ្សារផលិតផលខ្មែរខេត្តកំពង់ស្ពឺ បាននិងកំពុងដំណើរលក់កសិផល និងផលិតផលខ្មែរ ដែលបានដាំដុះ និងកែច្នៃដោយកសិករ ផលិតករ និងសិប្បករខ្មែរ នៅក្នុងខេត្តកំពង់ស្ពឺ នៅរៀងរាល់ថ្ងៃសុក្រ-សៅរ៍ ចាប់ពីម៉ោង ៦៖៣០ព្រឹក ដល់ម៉ោង១៤៖០០ថ្ងៃត្រង់ ដែលមានទីតាំងនៅបរិវេន វិមានសម្តេចព្រះសង្ឃរាជជោតញ្ញាណោ ជួន ណាត ជិតវេទិកាអុំទូក ខេត្តកំពង់ស្ពឺ។ 👉 ស្វែងរកទីតាំងផ្សារផលិតផលខ្មែរ ខេត្តកំពង់ស្ពឺ https://maps.app.goo.gl/WFJH6PVzYaYkh5VH7?g_st=atm សូមបញ្ជាក់ថា ក្រោមការដឹកនាំ និងការគាំទ្ររបស់ក្រសួងពាណិជ្ជកម្ម និងការសម្របសម្រួលផ្តល់ទីតាំងរបស់រដ្ឋបាលខេត្ត មន្ទីរពាណិជ្ជកម្មខេត្តកំពង់ស្ពឺ ក្រោមគម្រោងជំរុញទីផ្សារសម្រាប់កសិកម្មខ្នាតតូច (AIMS) នៃក្រសួងពាណិជ្ជកម្ម បានរៀបចំ និងដាក់ឲ្យដំណើរការផ្សារលក់ផលិតផលខ្មែរ ចាប់តាំងពីឆ្នាំ២០១៩ រហូតមកដល់បច្ចុប្បន្ន។ ផ្សារនេះ មានគោលបំណងផ្ដល់ឱកាសទីផ្សារបន្ថែមដល់កសិករ ផលិតករអាជីវករខ្នាតតូច ជាតំណាងពីក្រុមកសិករផលិត និងជាការតភ្ជាប់ទំនាក់ទំនងទីផ្សារឱ្យកាន់តែប្រសើរ ដល់ក្រុមផលិតដែលអាចរកប្រាក់ចំណូល និងលើកកម្ពស់ជីវភាពរស់នៅពួកគេ។ ការចូលរួមលើកកម្ពស់ និងប្រើប្រាស់ផលិតផលខ្មែរ ជាការរួមចំណែកបង្កើនផលិតភាពផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គមឲ្យកាន់តែប្រសើរឡើង។ សូមចូលរួមគាំទ្រផ្សារផលិផល ដើម្បីលើកស្ទួយជីវភាពកសិករ និងផលិតករខ្មែរ។
Newsលោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានជួបប្រជុំទ្វេភាគីជាមួយលោកស្រី Helen KING, នាយកផ្នែកអភិវឌ្ឍន៍សេដ្ឋកិច្ច និងភាពជាដៃគូរបស់ចក្រភពអង់គ្លេស ដើម្បីពិភាក្សាពីកិច្ចសហប្រតិបត្តិការ និងតួនាទីរបស់អង្គភាពអនុវត្តគម្រោងរបស់ក្រសួងពាណិជ្ជកម្ម
(ទីក្រុងហ្សឺណែវ, ប្រទេសស្វ៊ីស)៖ នារសៀលថ្ងៃពុធ ទី១៧ ខែកញ្ញា ឆ្នាំ២០២៥ នៅទីស្នាក់ការអង្គការពាណិជ្ជកម្មពិភពលោក (WTO) ទីក្រុងហ្សឺណែវ ប្រទេសស្វ៊ីស លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានជួបប្រជុំទ្វេភាគីជាមួយលោកស្រី Helen KING, នាយកផ្នែកអភិវឌ្ឍន៍សេដ្ឋកិច្ច និងភាពជាដៃគូរបស់ចក្រភពអង់គ្លេស ដើម្បីពិភាក្សាពីកិច្ចសហប្រតិបត្តិការ និងតួនាទីរបស់អង្គភាពអនុវត្តគម្រោងរបស់ក្រសួងពាណិជ្ជកម្ម។